- 1
- (Ki te tino kai whakatangi. Na Rawiri, hei whakamahara.) Kia pai koe, e te Atua, ki te whakaora i a au: e Ihowa, hohoro ki te awhina i a au.
- 2
- Kia whakama, kia pororaru ngatahi te hunga e rapu ana i toku wairua kia whakamatea: kia whakahokia ki muri, kia whakama hoki te hunga e hiahia ana kia he ahau.
- 3
- Kia hunā, hei utu mo to ratou whakama, te hunga e mea mai ana ki a au, Ha, ha.
- 4
- Kia hari, kia koa, ki a koe, te hunga katoa e rapu ana i a koe; kia mea tonu te hunga e pai ana ki tau whakaoranga, Kia whakanuia, a Ihowa.
- 5
- Ko au ia, he iti, he rawa-kore; hohoro mai, e te Atua, ki a au: ko koe toku awhina, me toku kai whakaora; kaua ra e whakaroa, e Ihowa.
Address: 
Phone: 
Email: