- 1
- (Ki te tino kai whakatangi. Ko Aratakiti. He himene, he waiata na Ahapa.) Whakawhetai tonu matou ki a koe, e te Atua, whakawhetai tonu: e whakapuakina mai nei hoki e āu mahi whakamiharo e tata ana tou ingoa.
- 2
- Ka tae mai ki a au te whakaminenga, ka tika taku whakarite whakawa.
- 3
- Kuteretere noa iho te whenua, me ona tangata katoa; naku ona pou i u ai. Hera.
- 4
- I mea ahau ki nga wairangi, Kati ra te wairangi; ki te hunga hara ano hoki, Kaua e ara te haona.
- 5
- Kaua to koutou haona e ara ki runga: kati te whakamaro i te kaki ina korero.
- 6
- No te mea hoki kahore he aranga i te ita, kahore i te hauauru, kahore hoki i te tonga.
- 7
- Ko te Atua hoki te Kai whakarite whakawa; ko tenei e whakaititia iho ana e ia, ko tera e whakaarahia ake ana.
- 8
- No te mea hoki he kapa kei te ringaringa o Ihowa, whero tonu te waina; ki tonu, whakananu rawa, hei ringihanga mai mana: ko nga nganga ia, ma te hunga kino katoa o te whenua e tatau, e inu.
- 9
- Ko au ia ka kauwhau tonu: ka himene atu ahau ki te Atua o Hakopa.
- 10
- Ka kotia katoatia ano hoki e ahau nga haona o te hunga hara: ka whakaarahia ake nga haona o te tangata tika.
Address: 
Phone: 
Email: