- 1
- (He waiata, he himene, na Ahapa.) E te Atua, kei wahangu koe, kei whakarongo puku, kei ata noho, e te Atua.
- 2
- He mea hoki, tenei ou hoa riri te ngangau nei, a kua ara ake nga mātenga o te hunga e kino ana ki a koe.
- 3
- Kua ata ngarahu ratou ki tou iwi, e whakatakoto korero ana hoki ratou mo au mea huna.
- 4
- E ki nei ratou, Tena, tatou ka huna i a ratou, kia kore ai tena iwi; kia kaua ai hoki e maharatia te ingoa o Iharaira a muri ake nei.
- 5
- Kotahi nei hoki o ratou ngakau i a ratou e runanga ana: kua huihuia a ratou whakaaro ki te kino ki a koe.
- 6
- Nga tapenakara o Eroma, o nga Ihimeeri, o Moapa me nga Hakarini;
- 7
- A Kepara, a Amono, a Amareke, nga Pirihitini, me nga tangata o Taira;
- 8
- Kua uru atu ano hoki a Ahuru ki roto ki a ratou: hei awhina ratou mo nga tamariki a Rota. Hera.
- 9
- Penatia ratou e koe me nga Miriani, me Hihera: me Iapini, i Awa Kihono:
- 10
- I mate nei ki Ene-roro, i waiho nei hei whakawairakau mo te whenua.
- 11
- Kia rite o ratou rangatira ki a Orepe raua ko Teepe, o ratou ariki katoa hoki ki a Tepa raua ko Taramuna.
- 12
- Mo ratou i mea, Tatou ka tango i nga kāinga o te Atua mo tatou.
- 13
- E toku Atua, kia rite ratou ki te wīra, ki te papapa e puhia ana e te hau;
- 14
- Kia rite ki te ahi e kai ana i te ngahere, ki te mura hoki e toro ai nga maunga,
- 15
- Te whainga a to awha i a ratou, to whakaohoreretanga ano hoki i a ratou ki to paroro.
- 16
- Kia kapi o ratou kanohi i te whakama: kia rapu ai ratou ki tou ingoa, e Ihowa.
- 17
- Kia whakama, kia ohorere ratou ake ake; kia numinumi ratou, kia ngaro hoki.
- 18
- Kia matau ai te tangata, nou anake te ingoa, a Ihowa; kei runga ake ano koe i te whenua katoa.
Address: 
Phone: 
Email: