- 1
- Ko Ihowa te Kingi, kia hari te whenua, kia koa nga tini motu.
- 2
- Kei tetahi ona, kei tetahi taha, te kapua me te pouri: he tika, he whakarite whakawa, te turanga o tona torona.
- 3
- E toro atu ana te kapura i tona aroaro: a pau ake ona hoa riri, a, taka noa, taka noa.
- 4
- Mārama tonu te ao i ana uira: i kite te whenua, a wiri ana.
- 5
- Rewa noa nga maunga, ano he ware pi i te aroaro o Ihowa, i te aroaro o te Ariki o te whenua katoa.
- 6
- E whakapuakina ana e nga rangi tona tika: a e kitea ana e nga iwi katoa tona kororia.
- 7
- Kia whakama katoa te hunga e mahi ana ki nga whakapakoko, e whakamanamana ana ki nga atua horihori: koropiko atu ki a ia, e nga atua katoa.
- 8
- I rongo a Hiona, a koa ana: whakamanamana ana nga tamahine hoki o Hura, e Ihowa, ki au whakariteritenga whakawa.
- 9
- Ko koe hoki, e Ihowa, kei runga noa ake i te whenua katoa: kua whakanuia koe ki runga noa ake i nga atua katoa.
- 10
- E te hunga katoa e aroha ana ki a Ihowa, kinongia te hē: e tiakina ana e ia nga wairua o tona hunga tapu; e whakaorangia ana ratou e ia i roto i nga ringaringa a te hunga kino.
- 11
- Kua oti te māramatanga te whakato mo te tangata pai: me te koa hoki mo te hunga ngakau tika.
- 12
- Kia hari ki a Ihowa, e te hunga pai: kia whakamoemiti ano ina mahara ki tona tapu.
Address: 
Phone: 
Email: