- 1
- Ko Ihowa te Kingi; kia wiri nga iwi: e noho ana ia i waenganui i nga kerupima; kia ngaueue te whenua.
- 2
- E nui ana a Ihowa i Hiona: kei runga ake ano ia i nga iwi katoa.
- 3
- Kia whakamoemiti ratou ki tou ingoa: he nui, he mea wehi, he tapu hoki.
- 4
- E aroha ana ano hoki te kaha o te Kingi ki te whakarite whakawa; ko koe hei whakapumau i te pono: he whakarite whakawa, he pai tau mahi i roto i a Hakopa.
- 5
- Whakanuia, a Ihowa to tatou Atua: koropiko atu hoki ki tona turanga waewae, e tapu ana hoki ia.
- 6
- Ko Mohi raua ko Arona i roto i ana tohunga, me Hamuera hoki i roto i te hunga e karanga ana ki tona ingoa: i karanga atu ratou ki a Ihowa, a whakahoki kupu mai ana ia ki a ratou.
- 7
- I korero mai ia ki a ratou i roto i te pou kapua: i pupuri ratou i ana whakaaturanga, me te tikanga i whakatakotoria e ia ki a ratou.
- 8
- E Ihowa, e to matou Atua, i whakahoki kupu mai koe ki a ratou: he Atua tohu koe i a ratou, otiia i rapu utu ano koe mo a ratou mahi.
- 9
- Whakanuia a Ihowa to tatou Atua, koropiko atu ki tana maunga tapu: e tapu ana hoki a Ihowa to tatou Atua.
Address: 
Phone: 
Email: