- 1
- A i kite ano ahau i tetahi atu tohu i te rangi, he mea nui he mea whakamiharo, tokowhitu nga anahera kei a ratou nga whiu whakamutunga e whitu; ko te whakaotinga hoki enei o ta te Atua riri.
- 2
- A ka kitea e ahau he mea e rite ana, ki te moana karahi, he mea whakananu ki te kapura: a, te hunga i kaha i te kararehe, i tana whakapakoko, i tana tohu, i te whika ano hoki o tona ingoa e tu ana i runga i te moana karahi, kei a ratou ano nga hāpa a te Atua.
- 3
- A kei te waiata ratou i te waiata a Mohi pononga a te Atua, me te waiata ano a te Reme; i mea ratou, He nui o mahi e miharotia ana, e te Ariki e te Atua Kaha rawa; tika tonu ou ara pono tonu, e te Kingi o te hunga tapu.
- 4
- Ko wai e kore e mataku i a koe, e whakakororia hoki i tou ingoa, e te Ariki? ko koe anake hoki te Mea tapu: e tae mai hoki nga tauiwi katoa e koropiko ki tou aroaro; kua whakakitea hoki o tikanga.
- 5
- A muri iho i enei mea ka kite ahau, na, kua puare te whare tapu o te tapenakara o te whakaaturanga i te rangi:
- 6
- Na, ka puta mai i roto i te whare tapu nga anahera e whitu, i a ratou nei nga whiu e whitu, o ratou kakahu he rinena ma, he mea kanapa, he mea whitiki o ratou uma ki te whitiki koura.
- 7
- A ka hoatu e tetahi o nga mea ora e wha ki nga anahera e whitu etahi oko koura e whitu, kī tonu i te riri a te Atua e ora nei, a ake ake ake.
- 8
- Na kua kī te whare tapu i te paoa, he mea na te kororia o te Atua, na tona kaha hoki: kihai hoki tetahi tangata i ahei te tomo atu ki te whare tapu, kia mutu ra ano nga whiu e whitu a nga anahera e whitu.
Address: 
Phone: 
Email: