- 1
- (He himene, he waiata mo te ra Hapati.) He mea pai te whakawhetai atu ki a Ihowa, te himene atu ki tou ingoa, e te Runga-rawa.
- 2
- Te whakakite atu i tou atawhai i te ata, i to pono i nga po katoa;
- 3
- I runga i te aho-tekau, i te hatere, i te hāpa tangi reka.
- 4
- Nau hoki ahau, e Ihowa, i whakahari ki tau mahi: ka whakamanamana ahau ki nga meatanga a ou ringa.
- 5
- Ano te nui o au mahi, e Ihowa! hohonu rawa au whakaaro.
- 6
- Te tangata poauau kahore ia e matau, kahore ano hoki tenei e mohiotia e te kuare.
- 7
- Ka pihi ake nga tangata whakaaro-kore, ano he tarutaru, a ka tupu nga kai mahi katoa o te kino: he mea tena kia whakangaromia ai ratou ake ake;
- 8
- Ko koe ia, e Ihowa, hei runga rawa ake ake.
- 9
- Na, ou hoa whawhai, e Ihowa, na, ou hoa whawhai ka ngaro ratou; ka whakamararatia katoatia nga kai mahi i te kino.
- 10
- Ka whakaarahia ake ano e koe taku haona, kia rite ki to te unikanga; ka whakawahia ahau ki te hinu hou.
- 11
- A ka titiro atu oku kanohi ki oku hoa riri: ka rongo hoki oku taringa i te matenga o te hunga kino e whakatika mai ana ki a au.
- 12
- Ka rite te tupu o te tangata tika ki to te nikau; ka rite tona nui ki to te hita i Repanona.
- 13
- Te hunga i whakatokia ki te whare o Ihowa: ka tupu ki nga marae o to tatou Atua.
- 14
- Ka pihi tonu ratou ua hina: ka tetere ratou, ka matomato.
- 15
- Hei whakakite atu e tika ana a Ihowa: ko ia toku kohatu, kahore hoki ana he.
Address: 
Phone: 
Email: