- 1
- Na, he mea whakapapa a Iharaira katoa, tuhituhi rawa ki te pukapuka o nga kingi o Iharaira, o Hura, whakaraua atu nei ki Papurona mo a ratou mahi he.
- 2
- Na, nga tangata tuatahi i noho ki o ratou wahi ki o ratou pa, ko nga Iharairi, ko nga tohunga, ko nga Riwaiti, ko nga Netinimi.
- 3
- Na, noho iho ki Hiruharama o nga tamariki a Hura, o nga tamariki a Peniamine, o nga tamariki a Eperaima raua ko Manahe;
- 4
- Ko Utai tama a Amihuru, tama a Omori, tama a Imiri, tama a Pani: no nga tamariki a Parete tama a Hura.
- 5
- A, o nga Hironi; ko Ahaia te matamua, ratou ko ana tama.
- 6
- O nga tama a Tera; ko Teuere ratou ko o ratou teina, e ono rau e iwa tekau.
- 7
- O nga tama a Peniamine; ko Haru tama a Mehurama, tama a Horawia, tama a Hahenua.
- 8
- Ko Ipineia tama a Ierohama, ko Eraha tama a Uti, tama a Mikiri, ko Mehurama, tama a Hepatia, tama a Reuere, tama a Ipimiia;
- 9
- Me o ratou teina ano hoki i nga ritenga o o ratou whakatupuranga, e iwa rau e rima tekau ma ono. He upoko enei tangata katoa no nga mātua i te whare o o ratou mātua.
- 10
- A, o nga tohunga; ko Ieraia, ko Tehoiaripi, ko Iakini,
- 11
- Ko Ataria, tama a Hirikia, tama a Mehurama, tama a Haroko, tama a Meraioto, tama a Ahitupu; ko te rangatira ia o te whare o te Atua;
- 12
- Ko Araia tama a Ierohama, tama a Pahuru, tama a Marakia, ko Maahiai tama a Ariere, tama a Tahatera, tama a Mehurama, tama a Mehiremiti, tama a Imere;
- 13
- Me o ratou teina ano hoki, nga upoko o te whare o o ratou mātua, kotahi mano e whitu rau e ono tekau, he hunga marohirohi rawa hei mahi i nga mahi o te whare o te Atua.
- 14
- A, o nga Riwaiti; ko Hemaia tama a Hahupu, tama a Atarikama tama a Hahapia; no nga tama a Merari;
- 15
- Ko Pakapakakara ano hoki, ko Herehe, ko Karara, ko Matania, tama a Mika, tama a Tikiri, tama a Ahapa;
- 16
- Ko Oparia tama a Hemaia, tama a Karara, tama a Ierutunu, ko Perekia tama a Aha, tama a Erekana, i noho nei ki nga kāinga koraha o nga Netopati.
- 17
- Nga kai tiaki kuwaha, ko Harumu, ko Akupu, ko Taramono, ko Ahimana, me o ratou teina: ko Harumu te upoko.
- 18
- To ratou turanga i mua, kei te kuwaha o te kingi, ki te taha ki te rawhiti: he kai tiaki kuwaha ratou i roto i nga ropu o nga tamariki a Riwai.
- 19
- Na, ko Harumu tama a Kore, tama a Epiahapa, tama a Koraha, ratou ko ona teina o te whare o tona matua, ko nga Korahi, ko ratou nga rangatira o nga mahi e mahia ana, me nga kai tiaki o nga kuwaha o te tapenakara: na, he rangatira o ratou mātua no te ope a Ihowa, he kai tiaki ano no te tapokoranga atu.
- 20
- Na, ko Pinehaha tama a Ereatara to ratou rangatira i mua; a i a ia ano a Ihowa.
- 21
- Ko Hakaraia tama a Meheremia te kai tiaki o te kuwaha o te tapenakara o te whakaminenga.
- 22
- Enei katoa i whiriwhiria nei hei kai tiaki mo nga kuwaha, e rua rau kotahi tekau ma rua ratou. He mea whakapapa enei ki o ratou kāinga ake; na Rawiri raua ko Hamuera matakite ratou i whakarite kia tūtūru ratou ki taua mahi.
- 23
- I a ratou ko a ratou tamariki te whakaaro ki nga kuwaha o te whare o Ihowa, ara, o te whare o te tapenakara i tenei tiakitanga, i tenei tiakitanga.
- 24
- He kai tiaki kuwaha kei nga taha e wha, kei te taha ki te rawhiti, kei te taha ki te hauauru, kei te taha ki te nota, kei te taha, ki te tonga.
- 25
- Na, i whakaritea ano o ratou teina i o ratou kāinga koraha kia haere mai i te takanga o nga ra e whitu, i ia wa, i ia wa, hei hoa mo ratou.
- 26
- Na, enei Riwaiti, nga tino kai tiaki tokowha o te kuwaha, tūtūru tonu ta ratou mahi; a ko ratou nga rangatira o nga ruma, o nga takotoranga taonga o te whare o te Atua.
- 27
- He nohoanga hoki to ratou kei nga taha o te whare o te Atua; ma ratou hoki te mahi tiaki; ma ratou ano hoki te uaki o nga tatau i tenei ata, i tenei ata.
- 28
- Ko etahi o ratou hei tiaki i nga oko mo te mahi: taua ana e ratou, a kawea mai ana; taua ana e ratou, a kawea atu ana.
- 29
- I whakaritea hoki etahi o ratou hei tiaki mo nga oko, mo nga mea mahi katoa ano hoki o te wahi tapu, mo te paraoa, mo te waina, mo te hinu, mo te parakihe, mo nga mea kakara.
- 30
- Ko etahi ano hoki o nga tamariki a nga tohunga hei hanga i te hinu o nga mea kakara.
- 31
- Na ko Matitia tetahi o nga Riwaiti, te matamua a Harumu Korahi; he mahi tūtūru nana te titiro i nga mea i hangā ki nga rihi.
- 32
- Na, ko etahi o o ratou teina o o nga tamariki a nga Kohati, nga kai whakaaro ki te taro aroaro, kia oti te hanga i tenei hapati, i tenei hapati.
- 33
- Ko nga kai waiata ano enei, ko nga upoko o nga matua o nga Riwaiti, i noho noa iho ratou i roto i nga ruma; ko ta ratou mahi hoki tera i te ao, i te po.
- 34
- Na, ko enei nga upoko o nga mātua o nga Riwaiti, ko nga upoko ano ratou i o ratou whakatupuranga: i noho enei ki Hiruharama.
- 35
- I noho ano ki Kipeono te pāpā o Kipeono, a Teiere; te ingoa o tana wahine ko Maaka.
- 36
- Na, tana matamua ko Aparono; na, ko Turu, ko Kihi, ko Paara, ko Nere, ko Natapa,
- 37
- Ko Keroro, ko Ahio, ko Hakaraia, ko Mikiroto.
- 38
- Whanau ake ta Mikiroto, ko Himeana. I noho ano enei ki o ratou tuakana ki Hiruharama, ki te wahi e anga tonu mai ana ki o ratou tuakana.
- 39
- Whanau ake ta Nere, ko Kihi; whanau ake ta Kihi, ko Haora; whanau ake ta Haora, ko Honatana, ko Marikihua, ko Apinarapa, ko Ehepaara.
- 40
- Te tama a Honatana, ko Meri-paara: whanau ake ta Meri-paara, ko Mika.
- 41
- Na nga tama a Mika; ko Pitono, ko Mereke, ko Taharea, ko Ahata.
- 42
- Whanau ake ta Ahata, ko Iaraha; whanau ake ta Iaraha, ko Aremete, ko Atamawete, ko Timiri; whanau ake ta Timiri, ko Mote;
- 43
- Whanau ake ta Mote, ko Pinea; tana tama ko Repaia; tana tama ko Ereaha; tana tama ko Atere.
- 44
- Na, tokoono nga tama a Atere, ko o ratou ingoa enei; ko Atarikama, ko Pokeru, ko Ihimaera, ko Hearia, ko Oparia, ko Hanana: ko nga tama enei a Atere.
Address: 
Phone: 
Email: