- 1
- Na, ka mea a Rawiri, Kahore ranei he morehu inaianei o roto o te whare o Haora, kia puta ai toku aroha ki a ia, he mea hoki naku ki a Honatana?
- 2
- Na, he pononga ta te whare o Haora, tona ingoa ko Tipa: na, ka karangatia ia e ratou ki a Rawiri, a ka mea te kingi ki a ia, Ko Tipa koe? A ka mea mai tera, Tenei to pononga.
- 3
- Na, ko te meatanga mai a te kingi, Kahore ianei tetahi tangata o te whare o Haora, kia whakaputaina ai e ahau to te Atua aroha ki a ia? Na, ka mea mai a Tipa ki te kingi, Tenei ano tetahi tama a Honatana, he kopa nga waewae.
- 4
- Na, ko te meatanga a te kingi ki a ia, Kei hea ia? A ka mea mai a Tipa ki te kingi, Na, kei te whare ia o Makiri, tama a Amiere, kei Ro-tepara.
- 5
- Katahi a Kingi Rawiri ka unga tangata atu ki te tiki i a ia i roto i te where o Makiri, tama a Amiere, i Ro-tepara.
- 6
- A, te taenga mai o Mepipohete tama a Honatana tama a Haora ki a Rawiri, ka hinga tapapa iho, ka piko iho. Na, ka mea a Rawiri, E Mepipohete. Ano ra ko tera, Tenei to pononga.
- 7
- Na, ko te meatanga atu a Rawiri ki a ia, Kaua e wehi; ka puta hoki toku aroha ki a koe, he whakaaro hoki ki a Honatana ki tou pāpā, me whakahoki ano e ahau ki a koe te mara katoa a Haora a tou pāpā; me kai taro tonu ano hoki koe ki taku tepara.
- 8
- Na, ka piko iho ia, a ka mea, He aha to pononga, i anga ai koe ki te kuri mate, ki te penei me au nei?
- 9
- Katahi ka karanga atu te kingi ki a Tipa, ki te tangata a Haora, a ka mea ki a ia, Ko nga mea katoa a Haora i mua, a tona whare katoa ano hoki, ka hoatu e ahau ki te tama a tou ariki.
- 10
- A, ko koe hei kai mahi mana i te oneone, koutou ko o tama, ko o pononga, ka kawe mai ai i nga hua; a ka whai taro te tama a tou ariki hei kai māna: ko Mepipohete ia ko te tama a tou ariki, me kai taro tonu ia ki taku tepara. Na, kotahi tekau ma rima nga tama a Tipa, e rua tekau ano hoki nga pononga.
- 11
- Na, ko te meatanga mai a Tipa ki te kingi Ka rite ta to pononga, e mea ai ki nga mea katoa i whakahaua mai e taku ariki e te kingi ki tana pononga. Ko Mepipohete ia (e ai ta te kingi) me kai ki taku tepara; ka rite ano ki tetahi o nga tama a te kingi.
- 12
- Na, he tama ano ta Mepipohete he mea nohinohi, tona ingoa ko Mika: a, he pononga na Mepipohete te hunga katoa e noho ana i te whare o Tipa.
- 13
- Heoi noho ana a Mepipohete ki Hiruharama: i kai tonu hoki ia ki te tepara a te kingi; he kopa ano ona waewae e rua.
Address: 
Phone: 
Email: