- 1
- E mau ano nga wahine tokowhitu ki te tangata kotahi i taua ra, a ka mea, Ko ta matou taro ano hei kai ma matou, ko o matou kakahu ano hei kakahu mo matou, ko tou ingoa anake kia karangatia ki a matou, kia mutu ai to matou ingoa kino.
- 2
- I taua rangi ano he ataahua te peka o Ihowa, kororia rawa, me nga hua ano o te whenua he neke rawa ake, he pai, hei mea ma nga morehu o Iharaira.
- 3
- Na, te tangata i toe ki Hiona, i mahue ki Hiruharama, ka karangatia ia he tapu, nga tangata katoa kua oti te tuhituhi ki roto ki te hunga ora i Hiruharama:
- 4
- Ina oti te paru o nga tamahine o Hiona te horoi atu e te Ariki, ina tahia atu ano e ia nga toto o Hiruharama i roto i a ia, he mea mea nana ki te wairua whakawa, ki te wairua tahu.
- 5
- Ka hangā ano hoki e Ihowa ki runga ki nga nohoanga katoa o Maunga Hiona, ki runga ano i ona huihuinga, he kapua, he paowa, i te ra, a he mura ahi e wheriko tonu ana i te po; no te mea ka whai taupoki a runga katoa o te kororia.
- 6
- A ka ai ano he tihokahoka hei whakamarumaru i te ra mo te werawera, hei rerenga atu, hei whakaruru mo te tupuhi, mo te ua.
Address: 
Phone: 
Email: