- 1
- Na, i a Ihu e haere ana, ka kite ia i tetahi i matapo no tona whanautanga mai ano.
- 2
- Na, ka ui ana akonga ki a ia, ka mea, E te Kai whakaako, ko wai i hara, ko tenei, ko ona mātua ranei, i whanau matapo mai ai ia?
- 3
- Ka whakahokia mai e Ihu, Ehara i te mea ko tenei kua hara, ko ona mātua ranei: engari kia ai ia hei whakakitenga atu mo nga mahi a te Atua.
- 4
- Me mahi e ahau nga mahi a toku kai tono mai i te mea e ao ana: meake taea te po, e kore ai e taea te mahi e tetahi tangata.
- 5
- I te mea i a au i te ao nei, ko ahau te māramatanga o te ao.
- 6
- Ka mutu enei korero ana, ka tuwha ia ki te whenua, a pokepokea ana tetahi paru ki te huware, pania atu ana te paru ki nga kanohi o te matapo,
- 7
- Na, ka mea ki a ia, Haere ki te horoi ki te kaukauranga i Hiroama, (ko Tono te whakamaoritanga.) Na, haere ana ia, horoi ana, a hoki titiro mai ana.
- 8
- Me i reira ka mea nga tāngata e noho tata ana, ratou ko nga tāngata i kitea ai tona matapotanga i mua, Ehara ianei tenei i taua tangata i noho ra, i tono mea māna?
- 9
- Ka mea etahi, Ko ia tenei: ko etahi i mea, Me ia ano hoki te ahua: ka mea ia, Ko ahau ra hoki ia.
- 10
- Katahi ratou ka mea ki a ia, Na te aha ra i kite ai ou kanohi?
- 11
- Ka whakahokia mai e ia, a ka mea, Na tetahi tangata ko Ihu te ingoa i pokepoke paru, a pania ana e ia ki oku kanohi, ka mea mai ano ki a au, haere ki te kaukauranga i Hiroama horoi ai: na, taku haerenga atu, taku horoinga, kite ana ahau.
- 12
- Na, ka maea ratou ki a ia, Kei hea ia? Ka mea ia, E kore ahau e mohio.
- 13
- Ka kawea atu ki nga Parihi taua tangata i matapo i mua ra.
- 14
- A no te hapati i pokepokea ai e Ihu te paru, i meinga ai hoki ona kanohi kia kite.
- 15
- Na, ka ui atu ano nga Parihi ki a ia, ki te pehea i kite ai ia. Ka mea ia ki a ratou, I pania e ia he paru ki oku kanohi, na, horoi ana ahau, kite ana.
- 16
- Na, ka mea etahi o nga Parihi, Ehara tenei i te tangata na te Atua, ina hoki tē whakarite ia i te hapati. Ka mea etahi, Ma te aha e taea ai anei merekara e te tangata hara? Na, ka wehewehea ratou.
- 17
- Ka mea atu ano ratou ki te matapo, E pehea ana koe ki a ia, ki tana meatanga i ou kanohi kia kite? Ka mea ia, He poropiti ia.
- 18
- Heoi kahore nga Hurai i whakapono i matapo taua tangata, a kua meinga kia kite, karangatia noatia e ratou nga mātua ona i meinga nei kia kite.
- 19
- Na, ka ui ratou ki a raua, ka mea, Ko ta korua tamaiti tenei, e mea nei korua i whanau matapo mai? na te aha ra ia i titiro ai i naianei?
- 20
- Ka whakahokia mai ki a ratou e ona mātua, ka mea, E mohio ana ano maua, ko ta maua tamaiti ano tenei, a i whanau matapo mai ano:
- 21
- Ko te mea ia i kite ai ia i naianei, kahore i mohiotia e maua; kahore ano hoki maua e mohio na wai i mea ona kanohi kia kite: he kaumatua ia; ui atu ki a ia: māna ia e korero.
- 22
- I penei ona mātua, no te mea i mataku raua i nga Hurai: Kua takoto noa ake hoki ta nga Hurai: kua takoto noa ake hoki ta nga Hurai tikanga, na, ki te whakaae tetahi, ko te Karaiti ia, me pei ki waho o te whare karakia.
- 23
- Koia ona mātua i mea ai, He kaumatua ia; ui atu ki a ia.
- 24
- Na, ka karangatia ano hoki e ratou te tangata i matapo i mua ra, a ka mea ki a ia, Hoatu te kororia ki te Atua; e mātau ana matou he tangata hara tenei.
- 25
- Na, ka whakahokia mai e ia, a ka mea, E kore ahau e mātau he tangata hara ranei ia: kotahi ano taku e mātau nei, i matapo ahau i mua, a kua kite tenei.
- 26
- Ka mea ano ratou ki a ia, I aha ia ki a koe? I peheatia ou kanohi i meinga ai e ia kia kite?
- 27
- Ka whakahokia atu e ia ki a ratou, Kua korerotia noatia ake e ahau ki a koutou, a kihai koutou i whakarongo: he aha ka hiahia ai koutou kia rongo ano? e mea ana oti koutou kia meinga hei akonga māna?
- 28
- Na, whakahi ana ratou ki a ia, ka mea, Ko koe tana akonga; ko matou ia he akonga na Mohi.
- 29
- E mātau ana matou i korero te Atua ki a Mohi: ko tenei tāngata ia kahore matou e mātau ki tona wahi haere mai ai.
- 30
- Na, ko te whakahokinga atu a taua tangata, ka mea ki a ratou, Ha! he mea whakamiharo ra tenei, kahore koutou i mātau ki tona wahi i haere mai ai, heoi kua meinga e ia oku kanohi kia kite.
- 31
- E mātau ana ra tatou, e kore te Atua e whakarongo ki nga tāngata hara: tena ki te karakia tetahi ki te Atua, a ka mea i tana e pai ai, ka rongo a ki a ia.
- 32
- Kahore rawa i rangona no te timatanga ra ano o te ao, i whakatirohia e tetahi nga kanohi o te tangata i whanau matapo mai.
- 33
- Ki te mea kihai i puta mai tenei tangata i te Atua, e kore e taea e ia tetahi mea.
- 34
- Na, ka whakahokia mai e ratou, ka mea ki a ia, I whanau pu koe i roto i nga hara, a ko koe hei whakaako i a matou? Na, peia ana ia e ratou ki waho.
- 35
- I rongo a Ihu kua oti ia te pei e ratou ki waho; a tona kitenga i a ia, ka mea ki a ia, E whakapono ana ranei koe ki te Tama a te Atua?
- 36
- Ka whakahokia atu e ia, a ka mea Ko wai ia, e te Ariki, kia whakapono ai ahau ki a ia?
- 37
- Ka mea a Ihu ki a ia, Kua kite koe i a ia, ko ia hoki tenei e korero atu nei ki a koe.
- 38
- Na, ko tana meatanga mai, E te Ariki, e whakapono ana ahau. Na, koropiko ana ia ki a ia.
- 39
- Katahi a Ihu ka mea, I haere mai ahau ki tenei ao ki te whakarite whakawa, he mea e kite ai te hunga kahore nei i kite; e whakamatapotia ai hoki te hunga e kite ana.
- 40
- A, ka rangona enei mea e etahi o nga Parihi e tu tahi ana me ia, ka mea ratou ki a ia, E matapo ana ano ranei matou?
- 41
- Ka mea a Ihu ki a ratou, Me i matapo koutou, kahore o koutou hara: tena ka mea nei koutou, E kite ana matou; na, e mau na to koutou hara.
Address: 
Phone: 
Email: