- 1
- I korero tonu ano a Hopa i tona kupu whakarite; i mea,
- 2
- Kei te ora te Atua, nana nei i whakakahore he whakarite whakawa moku; te Kaha-rawa, nana nei i whakakawa toku wairua;
- 3
- I nga wa katoa e ta ai toku manawa, e mau ai te wairua o te Atua i roto i oku pongaponga;
- 4
- E kore oku ngutu e korero kino, e kore te hianga e puaki i toku arero.
- 5
- Aue! kia whakatikaia ta koutou e ahau! e kore e whakarerea atu e ahau toku ngakau tapatahi, a mate noa.
- 6
- Ka mau taku pupuri ki toku tika, e kore e tukua atu e ahau: i ahau ano e ora nei e kore toku ngakau e whakahe ki a au.
- 7
- Kia rite toku hoa riri ki te tangata kino; te tangata e whakatika mai ana ki a au kia rite ia ki te tangata hara.
- 8
- He aha hoki ta te ngutu kau e tumanako atu ai, ina whai rawa ia, ki te mea ka tangohia atu tona wairua e te Atua?
- 9
- E rongo ranei te Atua ki tana tangi ina pa mai te he ki a ia?
- 10
- E ahuareka ranei ia ki a te Kaha-rawa? e karanga ranei ia ki te Atua i nga wa katoa?
- 11
- Ka whakaakona koutou e ahau ki te ringa o te Atua; e kore e hunā e ahau nga mea e takoto mai nei i a te Kaha-rawa.
- 12
- Nana, kua kite katoa koutou; a na te aha koutou i riro rawa ai i tenei mahi wairangi?
- 13
- Ko ta te Atua wahi tenei ma te tangata kino, te mea e whakarerea iho me nga kai tukino, ta te Kaha-rawa e riro mai i a ratou.
- 14
- Ki te mea ka tokomaha ana tamariki, hei mea ratou ma te hoari; e kore ano hoki ona uri e makona i te taro.
- 15
- Ona morehu ka tanumia ki te mate: e kore ano hoki ona pouaru e tangi.
- 16
- Mana e amene mai te hiriwa ano he puehu, a, pae tonu te kakahu mona ano he paru;
- 17
- E pae ano i a ia, otiia ka kakahuria e te tangata tika, ka wehewehea hoki te hiriwa e te tangata hara-kore.
- 18
- Ka rite tana hanga i tona whare ki ta te purehurehu, tona rite kei te whare tihokahoka e hangā ana e te kai tiaki.
- 19
- Ka takoto te tangata taonga, otiia e kore e kohia ki te urupa; te tirohanga ake a ona kanohi, na kua kahore noa iho ia.
- 20
- Rite tonu ki te wai nga whakawehi e mau ai ia, tahaetia ana ia e te paroro i te po.
- 21
- Ka kahakina atu ia e te marangai, a riro ana ia: ka aia atu ano ia i tona wahi e te tupuhi.
- 22
- Ka akiri mai hoki te Atua ki a ia, e kore ano ia e tohungia; mea tonu ia kia rere mai i roto i tona ringa.
- 23
- Ka papaki mai nga ringa o nga tangata ki a ia, ka whakahi mai hoki ki a ia, a maunu mai ana ia i tona wahi.
Address: 
Phone: 
Email: