- 1
- A i korero ano a Ihowa ki a Mohi, i mea,
- 2
- Korero atu ki nga tamariki a Iharaira, mea atu, Ki te pohehe tetahi tangata, a ka hara ki tetahi o nga whakahaunga a Ihowa: he mea e kore e tika kia meatia, a ka rere ke tana mahi i tetahi o aua ture:
- 3
- Ki te mea he hara to te tohunga i whakawahia, he mea e rite ana ki tetahi hara o te iwi; na, me whakahere e ia ki a Ihowa mo tona hara i hara ai ia tetahi puru, ki te kuao, ki te mea kohakore, hei whakahere hara.
- 4
- Me kawe mai ano e ia te puru ki te whatitoka o te tapenakara o te whakaminenga, ki te aroaro o Ihowa; a ka pokia iho tona ringa ki runga ki te mātenga o te puru, ka patu ai i te puru ki te aroaro o Ihowa.
- 5
- Na, me tango e te tohunga i whakawahia tetahi wahi o nga toto o te puru, a ka kawea mai ki te tapenakara o te whakaminenga:
- 6
- Na ka toua iho e te tohunga tona maihao ki te toto, a kia whitu ana tauhiuhinga atu i te toto ki te aroaro o Ihowa, ki mua mai o te arai o te wahi tapu.
- 7
- Me pani atu ano e te tohunga tetahi wahi o nga toto ki nga haona o te aata whakakakara reka, ki te aroaro o Ihowa, ki tera i te tapenakara o te whakaminenga; ka riringi ai i nga toto katoa o te puru ki te turanga o te aata mo te tahunga tinana, ki tera i te whatitoka o te tapenakara o te whakaminenga.
- 8
- A me tango mai ano e ia nga ngako katoa o te puru mo te whakahere hara; te ngako e whiwhiwhiwhi ana ki nga whekau, me nga ngako katoa o nga whekau,
- 9
- Me nga whatukuhu e rua, me te ngako i aua mea, tera i te hope, me te taupa i runga ake o te ate, me nga whatukuhu, me tango mai tera e ia,
- 10
- Kia rite ki te tangohanga o to te puru o te patunga whakamarietanga: a me tahu e te tohunga ki runga ki te aata mo te tahunga tinana.
- 11
- Ko te hiako ia o te puru, ona kikokiko katoa, tona pane, ona waewae, ona whekau, me tona paru,
- 12
- Te puru katoa hoki, me kawe atu e ia ki waho o te puni, ki tetahi wahi pokekore, ki te wahi e ringitia ai nga pungarehu, ka tahu ai ki runga ki nga rakau ki te ahi: hei te ringihanga pungarehu ia tahuna ai.
- 13
- A ki te pohehe te whakaminenga katoa o Iharaira, a ka hara, a ka ngaro taua mea i nga kanohi o te whakaminenga, a ka tika ke i tetahi o nga whakahaunga a Ihowa tetahi o a ratou mahi, he mea e kore e tika kia meatia, a ka whai hara ratou;
- 14
- A ka kitea te hara i hara ai ratou ki taua ture, katahi ka whakaherea e te whakaminenga tetahi puru kuao mo te hara, me kawe mai hoki ki mua o te tapenakara o te whakaminenga,
- 15
- Ka popoki ai nga ringa o nga kaumatua o te whakaminenga ki runga ki te pane o te puru ki te aroaro o Ihowa: a hei te aroaro ano o Ihowa patu ai i te puru.
- 16
- A ma te tohunga i whakawahia e kawe tetahi wahi o nga toto o te puru ki te tapenakara o te whakaminenga;
- 17
- Ka tou ai te tohunga i tona maihao ki tetahi wahi o te toto, a kia whitu ana tauhiuhinga atu ki te aroaro o Ihowa, ki mua mai o te arai.
- 18
- Me pani atu ano hoki e ia tetahi wahi o te toto ki nga haona o te aata i te aroaro o Ihowa, ki tera i te tapenakara o te whakaminenga, ka riringi ai i nga toto katoa ki te turanga o te aata mo te tahunga tinana, ki tera i te whatitoka o te tapenakara o te whakaminenga.
- 19
- Me tango atu ano hoki i a ia ona ngako katoa, ka tahu ai ki runga ki te aata.
- 20
- Kia rite hoki tana e mea ai ki te puru ki tana i mea ai ki te puru mo te whakahere hara; kia pera ano tana meatanga ki tenei: a me mea e te tohunga he whakamarietanga mo ratou, a ka murua to ratou hara.
- 21
- Me kawe ano hoki e ia te puru ki waho o te puni, ka tahu ai, ka pera ano me ia i tahu i te puru tuatahi: he whakahere hara taua mea mo te whakaminenga.
- 22
- Ki te pohehe tetahi rangatira, a ka hara, ka tika ke hoki i tetahi o nga whakahaunga a Ihowa a tona Atua tetahi o ana mahi, he mahi e kore e tika kia meatia, a ka whai hara ia;
- 23
- Ki te mohiotia e ia tona hara i hara ai ia; na, me kawe mai e ia tana whakahere, he kuao koati, ki te toa, ki te mea koha-kore:
- 24
- A ka popoki iho tona ringa ki runga ki te mātenga o te koati, ka patu ai ki te wahi e patua nei te tahunga tinana ki te aroaro o Ihowa: he whakahere hara tena.
- 25
- A me tango e te tohunga tetahi wahi o te toto o te whakahere hara ki tona maihao, ka pani atu ai ki nga haona o te aata tahunga tinana, me riringi ano hoki e ia ona toto ki te turanga o te aata tahunga tinana.
- 26
- Na, ka tahuna e ia ona ngako katoa ki runga ki te aata, ka peratia ano me te ngako o nga patunga whakamarietanga: a ka mea whakamarietanga te tohunga mona, mo tona hara, a ka murua.
- 27
- A ki te pohehe tetahi tangata noa atu, a ka hara, nona i mea i tetahi mea e tika ke ana i tetahi o nga whakahaunga a Ihowa, he mea e kore e tika kia meatia, a ka whai hara;
- 28
- Ki te mohiotia e ia tona hara i hara ai ia; na ka kawea mai e ia tana whakahere, he kuao koati, he uha, ki te mea koha-kore, mo tona hara i hara ai ia.
- 29
- A ka pokia iho tona ringa ki runga ki te mātenga o te whakahere hara, ka patu ai i te whakahere hara ki te wahi mo te tahunga tinana.
- 30
- Na, ka tango te tohunga i tetahi wahi o ona toto ki tona maihao, ka pani atu ai ki nga haona o te aata tahunga tinana, ka riringi ai i nga toto katoa o taua mea ki te turanga o te aata.
- 31
- Me tango ano hoki ona ngako katoa, kia peratia me te ngako e tangohia ana i nga patunga whakamarietanga: a me tahu e te tohunga ki runga ki te aata hei kakara reka ki a Ihowa; na ka mea whakamarietanga te tohunga mona, a ka murua tona hara.
- 32
- A ki te mea he reme tana whakahere e kawea mai ana e ia mo te hara, me kawe mai e ia ki te uha, ki te mea koha-kore.
- 33
- Na, ka pokia iho tona ringa ki runga ki te mātenga o te whakahere hara, a ka patua hei whakahere hara ki te wahi e patua nei e ratou te tahunga tinana.
- 34
- Na, me tango e te tohunga tetahi wahi o te toto o te whakahere hara ki tona maihao, ka pani ai ki nga haona o te aata tahunga tinana, me riringi ano e ia nga toto katoa o taua mea ki te turanga o te aata.
- 35
- A me tango ano e ia ona ngako katoa, kia rite ki te tangohanga o te ngako o te reme o nga patunga whakamarietanga; ka tahu ai e te tohunga ki runga ki te aata, kia rite ki nga whakaherenga ahi ki a Ihowa; na, ka mea whakamarietanga te tohunga mo tona hara i hara ai ia, a ka murua.
Address: 
Phone: 
Email: