Malachi Chapter 4 - Paipera Tapu 1868 | Te Paipera Tapu 1868

Malachi Chapter 4 - Paipera Tapu 1868

1
Ta te mea, na, kei te haere mai te ra ka rite nei tona ngiha ki to te oumu; a ka rite te hunga whakakake katoa, te hunga katoa ano e mahi kino ana ki te kakau witi: a ka tahuna ratou e te ra meake nei puta, e ai ta Ihowa o nga mano, a kore noa iho he pakiaka, he manga, e mahue ki a ratou.
2
Ki a koutou ia e wehi na i toku ingoa ka ara ake te ra o te tika, he whakaora mate ano hoki i runga i ona parirau, a ka puta mai koutou, ka momona, ka rite ki nga kuao kau o te turanga-kau.
3
Ka takatakahia ano hoki e koutou te hunga kino; no te mea ka rite ratou ki nga pungarehu i raro i nga kapu o o koutou waewae i te rangi e mahi ai ahau, e ai ta Ihowa o nga mano.
4
Kia mahara ki te ture a taku pononga a Mohi, ki taku i whakahau ai ki a ia i Horepa, he mea mo Iharaira katoa, ki nga tikanga, ki nga whakariteritenga.
5
Nana, ka ungā atu nei e ahau a Iraia poropiti ki a koutou i mua i te taenga mai o te ra nui o Ihowa, o te ra whakamataku.
6
A ka whakatahuritia atu e ia nga ngakau o nga mātua ki nga tamariki, nga ngakau ano hoki o nga tamariki ki o ratou mātua, kei haere atu ahau, a patua iho e ahau te whenua ki te kanga.