- 1
- Ko te pukapuka o te Whakatupuranga o Ihu Karaiti o te tama a Rawiri, ko ia nei he tama na Aperahama.
- 2
- Whanau ake ta Aperahama ko Ihaka; whanau ake ta Ihaka ko Hakopa; whanau ake ta Hakopa ko Hura ratou ko ona tuakana ko ona teina;
- 3
- Whanau ake ta Hura raua ko Tamara, ko Parete raua ko Hara; whanau ake ta Parete ko Heteromo; whanau ake ta Heteromo ko Arame;
- 4
- Whanau ake ta Arame ko Aminarapa; whanau ake ta Aminarapa ko Nahona; whanau ake ta Nahona ko Haramono;
- 5
- Whanau ake ta Haramono raua ko Rahapa, ko Poaha; whanau ake ta Poaha raua ko Rutu, ko Opere; whanau ake ta Opere ko Hehe;
- 6
- Whanau ake ta Hehe ko Rawiri te kingi; whanau ake ta kingi Rawiri raua ko te Wahine a Uria, ko Horomona;
- 7
- Whanau ake ta Horomona ko Ropoama; whanau ake ta Ropoama ko Apia; whanau ake ta Apia ko Aha;
- 8
- Whanau ake ta Aha ko Iohapata; whanau ake ta Iohapata ko Iorama; whanau ake ta Iorama ko Ohiaha;
- 9
- Whanau ake ta Ohiaha ko Iotama; whanau ake ta Iotama ko Ahaha; whanau ake ta Ahaha ko Etekiaha;
- 10
- Whanau ake ta Etekiaha ko Manahe; whanau ake ta Manahe ko Amono; whanau ake ta Amono ko Hohaia;
- 11
- Whanau ake ta Hohaia ko Hekoniaha ratou ko ona teina, i te whakahekenga atu ki Papurona:
- 12
- A muri iho i te whakahekenga atu ki Papurona, ka whanau ta Hekoniaha ko Haratiere; whanau ake ta Haratiere ko Toropapere;
- 13
- Whanau ake ta Toropapere ko Apiuru; whanau ake ta Apiuru ko Eriakimi; whanau ake ta Eriakimi ko Atoro;
- 14
- Whanau ake ta Atoro ko Haroko; whanau ake ta Haroko ko Akimi; whanau ake ta Akimi ko Eriuru;
- 15
- Whanau ake ta Eriuru ko Ereatara; whanau ake ta Ereatara ko Matana; whanau ake ta Matana ko Hakopa;
- 16
- Whanau ake ta Hakopa ko Hohepa ko te tahu o Meri; whanau ake ta Meri ko Ihu, ko tona ingoa nei ko te Karaiti.
- 17
- Heoi nga whakatupuranga katoa o Aperahama tae noa ki a Rawiri, tekau ma wha nga whakatupuranga; o Rawiri hoki tae noa ki te whakahekenga atu ki Papurona, tekau ma wha nga whakatupuranga; a no te whakahekenga atu ki Papurona tae noa ki a te Karaiti, tekau ma wha nga whakatupuranga.
- 18
- Na, ko te whanautanga tenei o Ihu Karaiti: he mea taumau a Meri tona whaea ma Hohepa, a i te mea kiano raua i tata noa ki a raua, ka kitea kua, hapū ia i te Wairua Tapu.
- 19
- Otira he tangata tika a Hohepa tona tahu, a kahore ona ngakau kia whakakitea nuitia ia, ka mea kia whakarerea pukutia.
- 20
- Otiia i a ia e hurihuri ana i enei mea, na, ka puta moemoea mai tetahi anahera a te Ariki ki a ia, ka mea, E Hohepa, e te tama a Rawiri, kaua e hopohopo ki te tango i a Meri i tau wahine: na te Wairua Tapu hoki tona hapū.
- 21
- A e whanau ia, he tamaiti, me hua hoki e koe tona ingoa ko Ihu: no te mea, māna e whakaora, tona iwi i o ratou hara.
- 22
- Na, ka oti tenei katoa, katahi ka rite ta te Ariki, i korerotia e te poropiti, i mea ai ia,
- 23
- Na, ka hapū te wahina, ka whanau hoki he tamaiti, a ka huaina e ratou tona ingoa ko Emanuera, (ko tona whakamaoritanga tenei, Kei a tatou te Atua.)
- 24
- A, te aranga ake o Hohepa i te moe, ka meatia e ia ta te anahera a te Ariki i whakahau ai ki a ia, a tango ana ia i tana wahine:
- 25
- A kihai i mohio ki a ia whanau noa tana tamaiti matamua: a huaina ana e ia tona ingoa ko IHU.
Address: 
Phone: 
Email: