- 1
- A ka takiri te ata, ka runanga nga tohunga nui katoa me nga kaumatua o te iwi mo Ihu kia whakamatea:
- 2
- Ano ka oti ia te here, ka arahina atu, a tukua atu ana ki a Ponotio Pirato, ki te kawana.
- 3
- A, te kitenga o Hura, o te kai tuku i a ia, kua whakaaetia ia, kia whakamatea, ka puta ke tona whakaaro, a whakahokia mai ana e ia nga hiriwa e toru tekau ki nga tohunga nui, ratou ko nga kaumatua,
- 4
- Ka mea, Kua hara ahau i taku tukunga i te toto hara-kore. A ka mea ratou, Hei aha ma matou? māu tena e titiro.
- 5
- Na, makā iho e ia nga hiriwa ki te whare tapu, a puta atu ana ki waho, haere ana, tarona ana i a ia.
- 6
- Na, ka tango nga tohunga nui i nga hiriwa, ka mea, E kore e tika kia pangā enei ki te takotoranga moni, he utu toto hoki.
- 7
- Na, ka runanga ratou, a hokoa ana ki aua mea te māra o te kai hanga rihi, hei tanumanga mo nga manene.
- 8
- Na reira hoki i huaina ai taua māra, Ko te māra o te toto, a mohoa noa nei,
- 9
- Katahi ka rite ta Heremaia poropiti i korero ai, i mea ai, Tangohia ana e ratou nga hiriwa e toru tekau, te utu mo te tangata i whakaritea nei ona utu, i whakaritea nei nga utu e etahi o nga tamariki a Iharaira;
- 10
- A hoatu ana mo te māra o te kai hanga rihi; i pera ano me ta te Ariki i whakarite mai ai ki a au.
- 11
- Heoi i te tu tera a Ihu i te aroaro o te kawana: a ka ui te kawana ki a ia, ka mea, Ko koe ranei te Kingi o nga Hurai? Ka mea atu a Ihu ki a ia, Kua korerotia mai na e koe.
- 12
- A ka whakapangia mai he hē ki a ia e nga tohunga nui, ratou ko nga kaumatua, kihai ia i whakahoki kupu atu.
- 13
- Katahi ka mea a Pirato ki a ia, E kore koe e rongo i te tini o nga mea e korerotia mai nei e ratou mou?
- 14
- Heoi kahore kia kotahi te kupu i whakahokia atu e ia ki a ia; tino miharo noa te kawana.
- 15
- Na, ko ta te kawana tikanga i taua hakari he tuku i tetahi herehere ki te iwi, i ta ratou e pai ai.
- 16
- A i reira ano i a ratou tetahi herehere ingoa nui, ko Parapa te ingoa.
- 17
- Ano ra ka mine mai ratou, ka mea a Pirato ki a ratou, Ko wai ta koutou e pai ai kia tukua atu e ahau ki a koutou? ko Parapa, ko Ihu ranei e karangatia nei ko te Karaiti?
- 18
- I mahara hoki ia he hae no ratou i tukua ai ia.
- 19
- A i a ia e noho ana i runga i te nohoanga whakawa, ka tono tangata tana wahine ki a ia, ka mea mai, Kei ahatia e koe taua tangata tika: he maha hoki nga mea i pa moemoea mai ki a au inaianei, he mea hoki mona.
- 20
- Otiia i whakakiia te mano e nga tohunga nui ratou ko nga kaumatua, kia inoia a Parapa, a kia whakamatea a Ihu.
- 21
- Na, ka whakahokia mai a te kawana, ka mea ia ki a ratou, Ko tehea o nga tokorua ta koutou e pai ai kia tukua atu e ahau ki a koutou? Ka mea ake ratou, Ko Parapa.
- 22
- Ka mea mai a Pirato ki a ratou, Me aha oti e ahau a Ihu e karangatia nei ko te Karaiti? Ka mea ake ratou katoa ki a ia, Ripekatia.
- 23
- Na, ka mea mai te kawana, He aha koia tana kino i mea ai? Heoi nui noa atu ta ratou hamama, ka mea, Ripekatia.
- 24
- A, te kitenga o Pirato kahore ia i whai wahi, engari ka nui atu te ngangau, ka mau ia ki te wai, ka horoi i ona ringaringa ki te aroaro o te mano, ka mea, Kahore ahau e whai hara ki te toto o tenei tangata tika: ma koutou tena e titiro.
- 25
- Na ko te whakahokinga mai a te iwi katoa, ka mea, Hei runga ona toto i a matou, me ā matou tamariki.
- 26
- Na, ka tukua atu e ia a Parapa ki a ratou: a ka oti a Ihu te whiu, ka tukua atu kia ripekatia.
- 27
- Katahi ka mauria a Ihu e nga hoia o te kawana ki te whare whakawa, a whakaminea mai ana ki a ia te hapu katoa.
- 28
- Na, ka tangohia e ratou ona kakahu, a whakakakahuria ana ia ki te kakahu whero.
- 29
- Ano ka oti tetahi karauna tata ra moa te whiri, ka potaea ki tona mātenga, me te kakaho ki tona ringaringa matau: a ka tukua nga turi ki a ia, ka taunu ki a ia, ka mea, Tena koe, e te Kingi o nga Hurai!
- 30
- A ka tuwhaina ia, ka mau ratou ki te kakaho, a patua iho tona mātenga.
- 31
- Na, ka mutu ta ratou tawainga ki a ia, ka tangohia atu taua kakahu, whakakakahuria atu ana ona ki a ia, a arahina ana ia kia ripekatia.
- 32
- A i a ratou e haere atu ana ki waho, ka kitea e ratou he tangata no Hairini, ko Haimona te ingoa: a meinga ana ia e ratou kia amo i tona ripeka.
- 33
- To ratou taenga atu ki te wahi e karangatia nei ko Korokota, e karangatia nei, ko te wahi anganga,
- 34
- Ka hoatu e ratou he winika ki a ia kia inumia, he mea whakananu ki te au: a, tana whakamatauranga atu, kihai i pai ki te inu.
- 35
- A ka oti ia te ripeka, ka wehewehea ona kakahu, he mea maka ki te rota: i rite ai te kupu i korerotia e te poropiti, I wehewehea oku kakahu mo ratou, i maka rota hoki mo toku kakahu.
- 36
- Na, noho ana ratou ki te tiaki i a ia i reira.
- 37
- A i whakanohoia ano e ratou ki runga ake i tona mātenga te mea i whakawakia ai ia, he mea tuhituhi, KO IHU TENEI KO TE KINGI O NGA HURAI.
- 38
- Na, tokorua ano hoki nga tahae i ripekatia ngatahitia me ia, kotahi ki matau, kotahi ki maui.
- 39
- A ka kohukohu ki a ia te hunga e haere ana ra reira, me te oioi o ratou mātenga,
- 40
- Ka mea, Ko koe hei whakahoro i te whare tapu, hei hanga ano i nga ra e toru, whakaorangia koe e koe ano. Ki te mea ko koe te Tama a te Atua, heke iho i te ripeka.
- 41
- I pena ano hoki te tawai a nga tohunga nui, ratou ko nga Karaipi, ko nga kaumatua, i mea ratou,
- 42
- Ko era atu i whakaorangia e ia; tē taea a ia ake te whakaora e ia. Ki te mea ko ia te Kingi o Iharaira, kia heke iho ia aianei i te ripeka, a ka whakapono matou ki a ia.
- 43
- I whakawhirinaki ia ki te Atua: mēna ia e whakaora aianei ki te pai ia ki a ia: i mea hoki ia, Ko ahau te Tama a te Atua.
- 44
- Me nga tahae ano hoki i ripekatia tahitia me ia, i pera ano hoki ta raua tawai ki a ia.
- 45
- Na, kua pouri a runga o te whenua katoa no te ono o nga haora a taea noatia te iwa o nga haora.
- 46
- A ka tata ki te iwa o nga haora, ka karanga a Ihu, he nui te reo, ka mea, Eri, Eri, rama hapakatani? ara, E toku Atua, e toku Atua, he aha koe i whakarere ai i a au?
- 47
- A, te rongonga o etahi o te hunga e tu ana i reira, ka mea, E karanga ana te tangata nei ki a Iraia.
- 48
- Na, kua rere tetahi o ratou, kua mau ki te hautai, whakakiia ana ki te winika, a whakanohoia ana ki runga ki te kakaho, whakainumia atu ana māna.
- 49
- Ka mea ehinu, Kāti, kia kite tatou e haere mai ranei a Iraia ki te whakaora i a ia.
- 50
- Na, ka karanga ano a Ihu, he nui te reo, a tuku atu ana i tona wairua.
- 51
- Na, te arai o te whare tapu kua pakaru, e rua nga wahi, o runga a puta noa ki raro; ru ana te whenua, pakaru ana nga kamaka;
- 52
- Tuwhera noa hoki nga urupa; a he maha nga tinana i ara mai o te hunga tapu kua moe;
- 53
- A puta ake ana i nga urupa i muri iho o tona aranga mai, haere ana ki roto ki te pa tapu, he tokomaha hoki te hunga i kitea ai ratou.
- 54
- Na, te kitenga o te keneturio, me ona hoa tiaki i a Ihu, i te ru, me nga mea i meatia, nui atu to ratou wehi, ka mea, He pono ko te Tama a te Atua tenei.
- 55
- A he tokomaha nga wāhine i reira e mataki taki mai ana i tawhiti, nga mea hoki i aru mai i a Ihu i Kariri, a i mahi mea māna:
- 56
- I roto i a ratou a Meri Makarini, a Meri whaea o Hemi raua ko Hohi, me te whaea hoki o nga tamariki a Heperi.
- 57
- A ka ahiahi, ka haere mai tetahi tangata taonga nui o Arimatia ko Hohepa te ingoa, ko ia ano hoki he akonga na Ihu:
- 58
- I haere ia ki a Pirato, a tonoa ana e ia te tinana o Ihu. Na, ka mea a Pirato kia hoatu te tinana.
- 59
- Na, ka tango a Hohepa i te tinana, a takaia ana e ia ki te rinena ma,
- 60
- A whakatakotoria ana ki tana urupa hou, i haua e ia ki roto ki te kamaka: na, whakatakā atu ana e ia tetahi kohatu nui ki te kuwaha o te urupa, a haere ana.
- 61
- A i reira ano a Meri Makarini, me tera Meri, e noho ana i te ritenga utu o te tanumanga.
- 62
- Na, i te aonga ake i muri i te takanga hakari, ka haere mai nga tohunga nui me nga Parihi ki a Pirato,
- 63
- Ka mea, E mara, e mahara ana matou ki ta tera tangata tinihanga i mea ai, i a ia ano i te ora, Kia taka nga ra e toru ka ara ahau.
- 64
- Na, whakahaua atu kia tiakina te tanumanga, a tae noa ki te toru o nga ra, kei haere atu ana akonga i te po, tahae ai i a ia, a ka mea ki te iwi, Kua ara i te hunga mate: penei kino atu i to mua to muri hē.
- 65
- Ka mea atu a Pirato ki a ratou, He kai tiaki ano a koutou: haere, kia puta a koutou whakaaro kei taea atu ia.
- 66
- Na, haere ana ratou, hīritia ana te kohatu, me te whakanoho ano i nga kai tiaki, kei taea atu te tanumanga.
Address: 
Phone: 
Email: