- 1
- Na, te hunga nana i hīri, ko te kawana ko Nehemia tama a Hakaria, ko Terekia,
- 2
- Ko Heraia, ko Ataria, ko Heremaia,
- 3
- Ko Pahuru, ko Amaria, ko Marakia,
- 4
- Ko Hatuhu, ko Hepania, ko Maruku,
- 5
- Ko Harimi, ko Meremoto, ko Oparia,
- 6
- Ko Raniera, ko Kinetono, ko Paruku,
- 7
- Ko Mehurama, ko Apia, ko Miiamini,
- 8
- Ko Maatia, ko Pirikai, ko Hemaia: ko nga tohunga enei.
- 9
- Me nga Riwaiti; ko Hehua tama a Atania, ko Pinui, no nga tama a Henarara, ko Karamiere.
- 10
- Me o ratou teina; Ko Hepania, ko Horiia, ko Kerita, ko Peraia, ko Hanana,
- 11
- Ko Mika, ko Rehopo, ko Hahapia,
- 12
- Ko Takuru, ko Herepia, ko Hepania,
- 13
- Ko Horiia, ko Pani, ko Peninu.
- 14
- Ko nga rangatira o te iwi; Ko Paroho, ko Pahata-moapa, ko Erama, ko Tatu, ko Pani,
- 15
- Ko Puni, ko Atakara, ko Pepai,
- 16
- Ko Aronia, ko Pikiwai, ko Arini,
- 17
- Ko Atere, ko Hetekia, ko Aturu,
- 18
- Ko Horiia, ko Hahumu, ko Petai,
- 19
- Ko Haripi, ko Anatoto, ko Nepai,
- 20
- Ko Makapiaha, ko Mehurama, ko Hetiri,
- 21
- Ko Mehetapeere, ko Haroko, ko Tarua,
- 22
- Ko Peratia, ko Hanana, ko Anaia,
- 23
- Ko Hohea, ko Hanania, ko Hahupu,
- 24
- Ko Harohehe, ko Pireha, ko Hopeke,
- 25
- Ko Rehumu, ko Hahapana, ko Maaheia,
- 26
- Ko Ahia, ko Hanana, ko Anana,
- 27
- Ko Maruku, ko Harimi, ko Paana.
- 28
- Na, era atu o te iwi, nga tohunga, nga Riwaiti, nga kai tiaki kuwaha, nga kai waiata, nga Netinimi, me te hunga katoa i wehewehea mai i roto i nga iwi o nga whenua ki te ture a te Atua, a ratou wahine, a ratou tamariki, a ratou tamahine, te hunga katoa i mohio, i whai whakaaro;
- 29
- Piri tonu ratou ki o ratou tuakana, teina, ki o ratou rangatira, a uru ana ki te kanga, ki te oati, kia haere i runga i te ture a te Atua i homai nei e ia; (he mea whakapuaki mai na Mohi pononga a te Atua,) kia puritia hoki, kia mahia nga whakahaunga katoa a Ihowa a to matou Ariki, ana whakariteritenga, me ana tikanga;
- 30
- Kia kaua hoki e hoatu a matou tamahine ma nga iwi o te whenua, kia kaua e tangohia a ratou tamahine ma a matou tamariki:
- 31
- A, ki te kawea mai e nga iwi o te whenua etahi taonga, tetahi kai ranei i te ra hapati hei hoko, kaua e hokona e matou ta ratou mea i te hapati, i te ra tapu ranei; me whakarere noa iho ano hoki e matou te whitu o nga tau, kaua hoki e tohea tetahi moni tarewa.
- 32
- I whakaturia ano e matou he tikanga ma matou kia hoatu e matou te toru o nga wahi o te hekere i te tau mo te mahi o te whare o to matou Atua.
- 33
- Mo te taro aroaro, mo te whakahere toto-kore tūturu, mo nga tohunga tinana tūturu o nga hapati, o nga kowhititanga marama, mo nga hakari tūturu, mo nga mea tapu, mo nga whakahere hara, hei mea whakamarietanga mo Iharaira; mo te mahi katoa ano hoki o te whare o to matou Atua.
- 34
- I maka rota ano matou he mea na nga tohunga, na nga Riwaiti, na te iwi, mo te whakahere rakau kia kawea ki te whare o to matou Atua; he mea whakarite tonu ki nga whare o o matou mātua, i nga wa i whakaritea o tenei tau, o tenei tau, hei wahie ki runga ki te aata o Ihowa o to matou Atua, kia rite ai ki te mea i tuhituhia ki te ture;
- 35
- Mo nga mea matamua ano hoki o to matou oneone, me nga matamua ano o nga hua katoa o nga rakau katoa, kia kawea i tenei tau, i tenei tau, ki te whare o Ihowa;
- 36
- Mo nga matamua ano o a matou tamariki, o a matou kararehe, kia peratia me te mea i tuhituhia ki te ture, mo nga matamua ano o a matou kau, o a matou hipi, kia kawea ki te whare o to matou Atua, ki nga tohunga e minita nei i te whare o to matou Atua:
- 37
- Kia kawea ano e matou nga matamua o a matou paraoa pokepoke, me a matou whakahere, me nga hua o nga rakau katoa, o te waina, o te hinu, ki nga tohunga, ki nga ruma o te whare o to matou Atua; me nga whakatekau o nga hua o to matou oneone ki nga Riwaiti, kia riro ai i aua Riwaiti nga whakatekau i nga pa katoa e ngaki ai matou.
- 38
- Na, ko te tohunga ko te tama a Arona hei hoa mo nga Riwaiti, ina tango nga Riwaiti i nga whakatekau; a me mau e nga Riwaiti nga whakatekau o nga whakatekau ki te whare o to matou Atua, ki nga ruma, ki te whare taonga.
- 39
- Me mau mai hoki e nga tamariki a Iharaira, ratou ko nga tamariki a Riwai, nga whakahere, ara, te witi, te waina hou, te hinu, ki nga ruma; kei reira hoki nga oko o te wahi tapu, me nga tohunga hei minita, ratou ko nga kai tiaki kuwaha, ko nga kai waiata; e kore hoki e whakarerea e matou te whare o to matou Atua.
Address: 
Phone: 
Email: