Nehemiah Chapter 11 - Paipera Tapu 1868 | Te Paipera Tapu 1868

Nehemiah Chapter 11 - Paipera Tapu 1868

1
Na, i noho nga rangatira o te iwi ki Hiruharama, a, i maka rota te nuinga atu o te iwi mo te tangata kotahi i roto i te tekau kia kawea ki Hiruharama, ki te pa tapu, noho ai, a ko te tokoiwa ki era atu pa.
2
A, he mea manaaki na te iwi nga tangata katoa i hihiko noa ake ki te noho ki Hiruharama.
3
Na, ko nga ariki enei o te kawanatanga i noho ki Hiruharama: i nga pa ia o Hura i noho ratou i tona wahi, i tona wahi, i o ratou pa, ara, a Iharaira, nga tohunga, nga Riwaiti, nga Netinimi, ratou ko nga tamariki a nga pononga a Horomona.
4
Na, i noho ki Hiruharama etahi o nga tamariki a Hura, ratou ko etahi o nga tamariki a Peniamine. No nga tamariki a Hura; ko Ataia tama a Utia, tama a Hakaraia, tama a Amaria, tama a Hepatia, tama a Maharareere, no nga tamariki a Perete;
5
Ko Maaheia tama a Paruku, tama a Koro-hote, tama a Hataia, tama a Araia, tama a Toiaripi, tama a Hakaraia, tama a Hironi.
6
Nga tamariki katoa a Perete i noho ki Hiruharama e wha rau e ono tekau ma waru, he hunga maia.
7
Na, ko nga tama enei a Peniamine; ko Haru tama a Mehurama, tama a Toere, tama a Peraia, tama a Koraia, tama a Maaheia, tama a Itiere, tama a Ihaia.
8
A, i muri i a ia, ko Kapai, ko Harai, e iwa rau e rua tekau ma waru.
9
Na, ko Hoere tama a Tikiri hei kai tirotiro mo ratou; ko Hare hoki tama a Henua, te tuarua o nga rangatira o te pa.
10
O nga tohunga: ko Ieraia tama a Toiaripi, ko Iakini.
11
Ko Heraia tama a Hirikia, tama a Mehurama, tama a Haroko, tama a Meraioto, tama a Ahitupu, hei rangatira mo te whare o te Atua.
12
Na, o ratou teina i mahi nei i te mahi o te whare, e waru rau e rua tekau ma rua: me Araia ano tama a Ierohama, tama a Peraria, tama a Amati, tama a Hakaraia, tama a Pahuru, tama a Marakia,
13
Me ona teina ano hoki, me nga ariki o nga mātua; e rua rau e wha tekau ma rua: ko Amahai tama a Atareere, tama a Ahatai, tama a Mehiremoto, tama a Imere,
14
Me o ratou teina, he marohirohi, he maia, kotahi rau e rua tekau ma waru: a, to ratou kai tirotiro, ko Tapariere tama a tetahi o nga tangata nunui.
15
O nga Riwaiti ano hoki: ko Hemaia tama a Hahupu, tama a Atarikama, tama a Hahapia tama a Puni.
16
Ko Hapetai, ko Itopara, no nga ariki o nga Riwaiti, nga kai tirotiro o te mahi i waho o te whare o te Atua.
17
Ko Matania tama a Mika, tama a Tapari, tama a Ahapa, te tino tangata hei timata i te whakamoemiti i te mea e karakia ana: ko Pakapukia ano hoki ko te tuarua i roto i ona teina, raua ko Apara tama a Hamua, tama a Karara, tama a Ierutunu.
18
Nga Riwaiti katoa i te pa tapu, e rua nga rau e waru tekau ma wha.
19
Na, nga kai tiaki kuwaha, a Akupu, a Taramono, me o ratou teina i tiakina ai nga kuwaha, kotahi rau e whitu tekau ma rua.
20
Na, era atu o Iharaira, o nga tohunga, o nga Riwaiti, kei nga pa katoa ratou o Hura, kei tona wahi, kei tona wahi.
21
I noho ia nga Netinimi ki Opere: a, ko Tiha raua ko Kihipa nga kai tirotiro o nga Netinimi.
22
Na, te kai tirotiro o nga Riwaiti i Hiruharama, ko Uti tama a Pani, tama a Hahapia, tama a Matania, tama a Mika. O nga tama a Ahapa, ko nga kai waiata nga kai tirotiro o te mahi i te whare o te Atua.
23
Na te kingi hoki te tikanga mo ratou, kia tūturu te wahi ma nga kai waiata, he mea tatau a rangi tonu.
24
Na, ko Petahia tama a Mehetapere, no nga tamariki a Tera tama a Hura, i to te kingi taha ia i nga mea katoa a te iwi.
25
Na, nga kāinga koraha me o ratou mara, i noho etahi o nga tamariki a Hura ki Kiriata-arapa, ki ona pa ririki, ki Ripono me ona pa ririki ki Tekapateere, me ona kāinga koraha,
26
Ki Hehua, ki Morara, ki Pete-parete,
27
Ki Hatara-huara, ki Peerehepa, me ona pa ririki,
28
Ki Tikiraka, ki Mekona, me ona pa ririki,
29
Ki Ene-rimono, ki Toraha, ki Iaramuta,
30
Ki Tanoa, ki Aturama, me o raua kāinga koraha, ki Rakihi, me o reira mara, ki Ateka, me ona pa ririki. Na, to ratou nohoanga, kei Peere-hepa, a tae noa ki Raorao Hinomo.
31
Na, nga tamariki a Peniamine, era i Kepa, i noho ratou ki Mikimaha, ki Aiia, ki Pete-ere, ki o ratou pa ririki.
32
Ki Anatoto, ki Nopo, ki Anania,
33
Ki Hatoro, ki Rama, ki Kitaima,
34
Ki Hariri, ki Tepoimi, ki Neparata,
35
Ki Roro, ki Ono, ki te raorao Karahimi.
36
Na, kei a Hura, kei a Peniamine, etahi tānga o nga Riwaiti.