- 1
- Ano he awa wai te ngakau o te kingi i roto i te ringa o Ihowa; e whakaangahia ana e ia ki nga mea katoa e pai ai ia.
- 2
- Nga ara katoa o te tangata, tika kau ki ona kanohi ake; ta Ihowa ia he pauna i nga ngakau.
- 3
- Te mahi i te tika, i te whakarite whakawa, ki ta Ihowa, pai atu tena i te patunga tapu.
- 4
- Nga kanohi whakakake, te ngakau whakapehapeha, te rama o te hunga kino, he hara kau.
- 5
- Te tukunga iho o nga whakaaro o te uaua he taonga e hua ana; to te hunga takare katoa ia he muhore kau.
- 6
- Nga taonga i mahia mai e te arero teka he horihori tena e akina noatia ana, he mea na te hunga e rapu ana i te mate.
- 7
- Ka ai te mahi pahua a te hunga kino hei whakangaro i a ratou, mo ratou kahore e pai ki te whakarite whakawa.
- 8
- He kopikopiko, he rereke te ara o te tangata, tena ko te tangata ma, he tika tana mahi.
- 9
- Te kokonga o te tuanui, pai atu tera hei nohoanga i te whare nui o te wahine ngangare.
- 10
- Ta te wairua o te tangata kino he hiahia ki te kino; e kore ona kanohi e manako ki tona hoa.
- 11
- Ki te whiua te tangata whakahi, ka whai whakaaro te kuare; ki te whakaakona ano hoki te tangata whakaaro nui, ka whiwhi ia ki te matauranga.
- 12
- Ka ata whakaaroa e te tangata tika te whare o te tangata, kino; ka whakatakā ano te hunga kino mo to ratou kino.
- 13
- Te tangata e puru ana i tona taringa ki te karanga a te rawa-kore, ka karanga ano ia, e kore ano e whakarangona mai.
- 14
- Ma te mea homai puku ka marie ai te riri, ma te moni whakapati ano hoki i roto i te uma ka marie ai te aritarita kaha.
- 15
- He mahi koa na te tangata tika te whakarite whakawa; mo nga kai mahi ia o te kino, ko te whakangaromanga.
- 16
- Te tangata e kotiti atu ana i te huarahi o te mahara, ka noho ia i te whakaminenga o nga tupapaku.
- 17
- Te tangata ko tana i pai ai ko nga ahuareka, ka rawa-kore ia, te tangata e pai tonu ana ki te waina, ki te hinu, e kore ia e whai taonga.
- 18
- Hei utu te tangata kino mo te tangata tika, te poka ke hoki mo te hunga tika.
- 19
- Te noho i te koraha engari tera i te noho tahi ki te wahine he ngangare, he riri nei tana.
- 20
- Kei te nohoanga o te tangata whakaaro nui te taonga e matenuitia ana, me te hinu; na, te wairangi, maumauria ake e ia.
- 21
- Te tangata e whai ana i te tika, i te atawhai, ka whiwhi ia ki te ora, ki te tika, ki te honore.
- 22
- Ka pikitia e te tangata whakaaro nui te pa o nga marohirohi, ka taka ano i a ia te kaha i whakawhirinaki ai ratou.
- 23
- Te tangata e tiaki ana i tona mangai, i tona arero, e tiaki ana i tona wairua kei raru.
- 24
- He whakahi, he whakapehapeha, he whakakake, te ingoa o te tangata kei runga nei i te riri, i te whakapehapeha tana mahi.
- 25
- Ka mate te mangere i tona hiahia ano; e kore hoki ona ringaringa e pai ki te mahi.
- 26
- Hiahia tonu ia, a pau noa te ra; ta te tangata tika ia he homai, kahore hoki ana kaiponu.
- 27
- He mea whakarihariha te whakahere a te hunga kino; tera noa ake ina he te whakaaro i kawea mai ai.
- 28
- Ka ngaro te kaiwhakaatu teka; na, te tangata whakarongo, he korero tonu tana.
- 29
- Te tangata kino, mau tonu tona mata: na, te tangata tika, he whakatika tana i tona ara.
- 30
- I to Ihowa aroaro kahore he whakaaro nui, kahore he matauranga, kahore he kupu mohio.
- 31
- Kua rite noa ake te hoiho mo te ra o te whawhai; kei a Ihowa ia te whakaoranga.
Address: 
Phone: 
Email: