Psalms Chapter 129 - Paipera Tapu 1868 | Te Paipera Tapu 1868

Psalms Chapter 129 - Paipera Tapu 1868

1
(He waiata; he pikitanga.) He ki tenei ma Iharaira; Ka maha a ratou tukinotanga i a au o toku tamarikitanga ake.
2
Ka maha a ratou tukinotanga i a au o toku tamarikitanga ake; heoi kihai ahau i taea e ratou.
3
I parautia toku tuara e nga kai parau; he roa a ratou parautanga.
4
He tika ta Ihowa: motu pu i a ia nga aho a te hunga kino.
5
Kia whakama, kia whakahokia ki muri, te hunga katoa e kino nei ki a Hiona.
6
Kia rite ratou ki te tarutaru i nga tuanui, e memenge nei i te mea kiano i tupu ake.
7
A, e kore e ki te ringaringa o te kai kokoti, te uma hoki o te kai paihere.
8
E kore ano te hunga e haere ana i te taha e mea, Kia tau ki a koutou te manaakitanga a Ihowa: e manaaki atu nei matou ki a koutou i runga i te ingoa o Ihowa.