Psalms Chapter 130 - Paipera Tapu 1868 | Te Paipera Tapu 1868

Psalms Chapter 130 - Paipera Tapu 1868

1
(He waiata; he pikitanga.) I karanga atu ahau ki a koe, e Ihowa i roto i nga hohonu.
2
E te Ariki, whakarongo mai ki toku reo: kia anga mai ou taringa ki toku reo inoi.
3
Me i maharatia e koe nga kino, e Ihowa, ko wai, e te Ariki, e tu?
4
Otira he muru hara tau, e wehingia ai koe.
5
E tatari ana ahau ki a Ihowa; e tatari ana toku wairua: e tumanako atu ana hoki ahau ki tana kupu.
6
Te tāringa o toku wairua ki te Ariki nui atu i to te hunga e whanga ana ki te ata; ae, i to te hunga e whanga ana ki te ata.
7
Kia tumanako atu a Iharaira ki a Ihowa, kei a Ihowa hoki te mahi tohu; kei a ia te hokonga nui.
8
A mana a Iharaira e hoko i roto i ana hara katoa.