- 1
- (Na Rawiri.) Ka karanga au ki a koe, e Ihowa, e toku kohatu, kaua e wahangu ki a au, ta te mea ki te wahangu mai koe ki a au, ka rite ahau ki te hunga e heke atu ana ki te poka.
- 2
- Whakarongo mai ki te reo o aku inoi, ua karanga atu ahau ki a koe, ina totoro atu oku ringaringa ki to ahurewa tapu.
- 3
- Kaua ahau e kumea tahitia atu, me te hunga he, me nga kai mahi i te kino, he marie a ratou kupu ki o ratou hoa, he kino ia kei roto i o ratou ngakau.
- 4
- Kia rite ki ā ratou mahi tau e hoatu ai ki a ratou, ki te kino ano hoki o a ratou hanga. Kia rite ki nga mahi a o ratou ringaringa tau e hoatu ai ki a ratou, whakahokia ta ratou utu ki a ratou.
- 5
- Na kahore nei ratou e whakaaro ki nga mahi a Ihowa, ki nga meatanga a ona ringaringa, mo reira ka whakahoroa iho ratou e ia, e kore ano hoki e whakaturia ake.
- 6
- Kia whakapaingia a Ihowa mona i whakarongo mai ki toku reo inoi.
- 7
- Ko Ihowa toku kaha, me toku whakangungu rakau; i whakawhirinaki atu toku ngakau ki a ia, a awhinatia mai ana ahau: koia i hari ai toku ngakau, i whakamoemiti ai hoki taku waiata ki a ia.
- 8
- Ko Ihowa to ratou kaha, ko ia ano te kaha whakaora o tana tangata i whakawahi ai.
- 9
- Whakaorangia to iwi, manaakitia to kāinga tupu: whangainga hoki ratou, whakaarahia tonutia ake ake.
Address: 
Phone: 
Email: