- 1
- E te Atua, whakaritea taku whakawa, whakatikaia aku korero ki te iwi atua-kore: whakaorangia ahau i te tangata tinihanga e mahi nei i te hē.
- 2
- Ko koe hoki te Atua o toku kaha: he aha ahau ka pangā nei e koe? he aha ahau ka haere pouri ai i te tukinotanga a te hoa riri?
- 3
- Tonoa mai e koe to mārama me to pono hei arahi i a au; hei kawe i a au ki tou maunga tapu, ki o tapenakara.
- 4
- A ka haere ahau ki te aata o te Atua, ki te Atua, ki taku hari nui: ae, ka whakamoemiti atu ahau ki a koe, e te Atua, e taku Atua, i runga i te hāpa.
- 5
- He aha koe i piko iho ai, e toku wairua? he aha hoki koe i ohorere ai i roto i a au? tumanako atu ki te Atua: tera ano ahau e whakawhetai atu ki a ia, ko ia nei te ora o toku mata, me toku Atua.
Address: 
Phone: 
Email: