- 1
- (Ki te tino kai whakatangi. He himene ma nga tama a Koraha.) Pakia o koutou ringa, e nga iwi katoa: hamama atu ki te Atua, kia hari te reo.
- 2
- No te mea he wehi a Ihowa o runga rawa, he Kingi nui no te whenua katoa.
- 3
- Nana i riro mai ai nga iwi ki raro i a tatou, me nga tautāngata ki raro ki o tatou waewae.
- 4
- Nana i whiriwhiri to tatou nohoanga mo tatou, te mea pai rawa o Hakopa, o tana i aroha ai. Hera.
- 5
- Kua kake atu te Atua i roto i te hamamatanga, a Ihowa i roto i te tangi o te tētere.
- 6
- Himene atu ki te Atua, himene atu; himene atu ki to tatou Kingi, himene atu.
- 7
- Ko te Atua hoki te Kingi o te whenua katoa: himene atu i runga i te mohio.
- 8
- Ko te Atua te kingi o nga tauiwi: e noho ana te Atua i runga i te torona o tona tapu.
- 9
- Kua huihui mai nga rangatira o nga iwi, o te iwi o te Atua o Aperahama: na te Atua hoki nga whakangungu rakau o te whenua; kua whakanuia rawatia ia.
Address: 
Phone: 
Email: