- 1
- (Ki te tino kai whakatangi Nekinoto, he mea Heminiti. He himene na Rawiri.) E Ihowa, kaua e whakatupehupehu mai ki ahau, ina riri koe, kaua ano hoki ahau e pakia ina arita mai koe.
- 2
- E Ihowa, tohungia ahau; e ngoikore ana hoki ahau: rongoatia ahau, e Ihowa, e ohooho ana hoki oku wheua.
- 3
- E ohooho noa iho ana hoki toku wairua: ko koe ia, e Ihowa, kia pehea atu te roa?
- 4
- Hoki mai, e Ihowa, kia mokowhiti atu toku wairua: kia mahara ki to aroha, a whakaorangia ahau.
- 5
- Kahore hoki he maharatanga ki a koe ina mate: ko wai hei whakawhetai atu ki a koe i roto i te rua?
- 6
- Mauiui iho ahau i taku auetanga; e mānu ana toku moenga i a au i te roa o te po; e whakamakukuria ana e ahau taku takotoranga ki aku roimata.
- 7
- Pakoko kau taku kanohi i te tangihanga; kua ahua koroheke i oku hoa riri katoa.
- 8
- Mawehe atu i a au, e nga kai mahi katoa i te kino; kua rongo nei hoki a Ihowa i te reo o taku tangihanga.
- 9
- Kua rongo a Ihowa ki taku inoi; ka manako mai a Ihowa ki taku karakia.
- 10
- Kia whakama, kia pokaikaha noa iho oku hoa riri katoa: kia hoki ratou, kia pa whakarere atu te whakama.
Address: 
Phone: 
Email: