- 1
- Ano te ataahua o ou waewae i ou hu, e te tamahine a te rangatira? nga hononga o ou humu, koia ano kei o nga peara, he mea hanga na nga ringaringa o te kai mahi mohio.
- 2
- Tou pito, koia ano kei te kapa porotaka, kihai i hapa i te mea whakaranu, tou kopu, ano he puranga witi kua oti te karapoti ki nga rengarenga,
- 3
- Ou u e rua, ano ko nga kuao aneterope e rua, he māhanga:
- 4
- Tou kaki, ano he pourewa rei; ou kanohi, ano ko nga roto wai i Hehepona i te kuwaha o Pete-rapimi; tou ihu, ano ko te pourewa o Repanona e titiro atu nei ki Ramahiku.
- 5
- Tou mahunga, rite tonu ki Karamere, te makawe o tou mahunga ki te papura a te kingi kua oti nei te herehere ki nga whakamahau.
- 6
- Ano te ataahua, ano te pai ou, e te mea e arohaina ana, ahuareka tonu!
- 7
- Rite tonu koe ki te nikau i a koe e tu nei, ou u ki nga tautau karepe.
- 8
- I mea ahau ka pikitia e ahau te nikau, ka hopukia atu e ahau ona manga. Akuanei ou u rite ai ki nga tautau o te waina, te haunga o to ihu ki to nga aporo:
- 9
- Tou ngao, ano he waina pai ma taku e aroha nei, he mea e tika ana te haere, e mea ana i nga ngutu o te hunga e moe ana kia korero.
- 10
- Kei taku e aroha nei ahau; ko ahau ano tana e hiahia ai.
- 11
- Haere mai, e taku e aroha nei, taua ka haere atu ki te parae, ka moe taua ki nga pa ririki.
- 12
- Kia moata to taua maranga atu ki nga mara waina; kia kite ai taua, e tupu ana ranei te waina, kua puta ranei te karepe hou, e kopuku ana ranei nga pamekarenete; ko reira hoatu ai e ahau toku aroha ki a koe.
- 13
- E kakara mai ana nga manitareki, kei o taua kuwaha ano hoki nga mea pai whakaharahara katoa, nga mea hou, nga mea tawhito, he mea rongoa naku mau, e taku e aroha nei.
Address: 
Phone: 
Email: