- 1
- Aue me i rite koe ki taku tungane i ngote nei i nga u o taku whaea! taku kitenga i a koe i waho ka kihitia koe e ahau, e kore ano ahau e whakahaweatia.
- 2
- Ka aratakina koe e ahau, ka kawea ki te whare o toku whaea, ko ia ano hei whakaako i a au; ka whakainumia koe e ahau ki te waina whakaranu ki te wai o taku pamekaranete.
- 3
- Ko tona maui ki raro i toku mātenga, ko tona matau ki te awhi i a au.
- 4
- He tohe atu tenei naku ki a koutou, e nga tamahine o Hiruharama, kaua e whakaohokia, kaua e whakaarahia taku e aroha nei, kia pai ra ano ia.
- 5
- Ko wai tenei e haere mai nei i te koraha e taupuhipuhi nei ki ana i aroha ai? Naku koe i whakaara ake i raro i te aporo: ko te wahi tena i puta mai ai koe i roto i tou whaea; i puta mai ano koe i reira i roto i te wahine i whanau ai koe.
- 6
- Waiho ahau hei hīri ki tou ngakau, hei hīri ki tou ringaringa; rite tahi hoki ki to te mate te kaha o te aroha, nanakia tonu te hae, ano ko te urupa, he ngarahu ahi ona ngarahu, nui atu tona mura.
- 7
- Nui te wai, e kore te aroha e taea te tinei, e kore ano e ngaro i nga awa. Ahakoa i hoatu e te tangata nga rawa katoa o tona whare mo te aroha, ka tino whakahaweatia rawatia.
- 8
- He teina nohinohi to matou, kahore ano hoki ona u. Me pehea matou ki to matou teina i te ra e korerotia ai ia?
- 9
- Ki te mea he taiepa ia, ka hangā e tatou he whare ki runga ki a ia, he mea hiriwa: ki te mea he tatau, ka whakakopakina ia e tatou ki nga papa hita.
- 10
- He taiepa ahau, oku u, ano he pourewa; no reira, ki tana titiro mai, i rite ahau ki tetahi e manakohia ana:
- 11
- He mara waina ta Horomona i Paara-hamono, tukua atu ana e ia te mara ki nga kai tiaki; kotahi mano nga hiriwa i kawea mai e tenei, e tenei hei utu mo ona hua.
- 12
- Kei toku aroaro taku mara, taku ake. Kotahi mano mau, e Horomona, kia rua rau ma nga kai tiaki o ona hua.
- 13
- E koe e noho nei i nga kāri, e whakarongo ana nga hoa ki tou reo: kia rongo ra ahau.
- 14
- Kia hohoro, e taku e aroha nei, kia rite ki te aneterope ki te kuao hāta i runga i nga maunga kinaki kakara.
Address: 
Phone: 
Email: