- 1
- Ko taku kupu tenei i te aroaro o te Atua, raua ko te Ariki ko Ihu Karaiti, māna nei e whakawa te hunga ora me te hunga mate i tona putanga mai, i tona rangatiratanga;
- 2
- Kauwhautia te kupu; tohea i nga wa pai, i nga wa kino; hopukia te hē, riria iho, whakahaua, whakapaua te manawanui te whakaako.
- 3
- Tenei ake hoki ko te wa e kore ai ratou e whakarongo ki te whakaakoranga tika; heoi ka riro ki o ratou hiahia ake, ka apohia mai e ratou he kai whakaako, he taringa minamina hoki no ratou;
- 4
- A ka tahuri ke o ratou taringa i te pono, ka anga atu ki nga korero tito noa.
- 5
- Na, kia mataara koe i nga mea katoa, tukua atu nga mamae ki a koe, mahia te mahi a te kai kauwhau i te rongo pai, wkakapaua to mahi minita.
- 6
- Tenei hoki ahau ka tata te ringitia, kua rite ano te wa hei haerenga moku.
- 7
- Kua whawhaitia e ahau te whawhai pai, kua omakia taku omanga, kua rite i a au te whakapono:
- 8
- I nga wa e takoto ake nei ka rongoatia mai moku te karauna o te tika, e homai ki ahau i taua ra e te Ariki e te kai whakarite tika o te whakawa: a he teka ki ahau anake, ki te hunga katoa ano hoki e hiahia ana ki tona putanga mai.
- 9
- Kia puta tou uaua ki te haere wawe mai ki a au:
- 10
- Kua whakarerea ahau e Rimaha, he aroha nona ki tenei ao, a haere ana ia ki Teharonika; kua riro atu a Kerekeha ki Karatia, a Taituha ki Raramatia.
- 11
- Ko Ruka anake kei a au. Tena a Maka arahina mai hei hoa mou; e pai ana hoki ia mo taku mahi minita.
- 12
- Kua tonoa e ahau a Tikiku ki Epeha.
- 13
- Ka haere mai koe, mauria mai te koroka i mahue i a au ki Toroa ki a Karapu, me nga pukapuka; tena rawa ia nga hiako.
- 14
- He maha nga kino i meatia mai e Arehanera e te kai mahi parahi ki a au: ma te Ariki e hoatu ki a ia he utu e rite ana ki ana mahi:
- 15
- Kia tupato hoki koe ki a ia; he rahi hoki tana totohe ki a matou kupu.
- 16
- I taku korerotanga tuatahi kahore he tangata hei tuara moku, heoi whakarerea ake ahau e te katoa: kaua tenei, e te Atua, e whakairia ki a ratou.
- 17
- Ahakoa ra i tu te Ariki ki toku taha, nana hoki ahau i whakakaha; kia whakapaua rawatia ai e ahau te kauwhau, kia rongo katoa ai nga tauiwi: a toia mai ana ahau i roto i te mangai o te raiona.
- 18
- A tera ahau e toia mai e te Ariki i roto i nga mahi kino katoa, māna hoki ahau e whakaora tae noa ki tona rangatiratanga i te rangi: waiho atu i a ia te kororia, ake ake ake. Amine.
- 19
- Oha atu ki a Pirihira raua ko Akuira, ki te hunga ano hoki o te whare o Onehipora.
- 20
- Kua noho a Eratuha ki Koriniti: i mahue i ahau a Toropimu ki Miritu, i te mate ia.
- 21
- Kia puta tou uaua ki te haere mai i mua o te hotoke. Tenei te oha atu nei ki a koe a Upuru, a Purena, a Rinuha, a Karauria, me nga teina katoa.
- 22
- Kia noho te Ariki a Ihu Karaiti ki tou wairua. Kia tau te aroha noa ki a koutou. Amine.
Address: 
Phone: 
Email: