- 1
- (Ki te tino kai whakatangi Kititi. Na Ahapa.) Kia kaha te waiata ki te Atua, ki to tatou kaha: kia hari te hamama ki te Atua o Hakopa.
- 2
- Whakahuatia te himene, maua mai ki konei te timipera, te hāpa reka me te hatere.
- 3
- Whakatangihia te tētere i te kohititanga o te marama, i te ra i whakaritea, i to tatou ra hakari.
- 4
- Ko te tikanga hoki tenei ma Iharaira, he mea whakarite mai na te Atua o Hakopa.
- 5
- I whakatakotoria tenei e ia ma Hohepa hei whakaaturanga, i tona haerenga atu i runga i te whenua o Ihipa: i a au i rongo i te reo kihai i matauria e ahau.
- 6
- I tangohia mai e ahau tona pokohiwi i te pikaunga: whakarerea ake e ona ringaringa nga pāta.
- 7
- I karanga mai koe ki a au i te pouritanga, whakaorangia ake koe e ahau; i whakahoki kupu atu ahau ki a koe i te wahi ngaro o te whatitiri; whakamatautauria ana koe e ahau ki nga wai o Meripa. Hera.
- 8
- Whakarongo, e taku iwi, a ka whakaatu atu au ki a koe: e Iharaira, ki te whakarongo mai koe ki a au;
- 9
- Aua tetahi atua ke i roto i a koe; kaua ano hoki koe e koropiko ki tetahi atua ke.
- 10
- Ko ahau a Ihowa, ko tou Atua, i arahina mai ai koe i te whenua o Ihipa: kia nui te kowheratanga o tou mangai, a maku e whakaki.
- 11
- Heoi kihai taku iwi i pai kia whakarongo mai ki toku reo; kihai ano hoki a Iharaira i aro mai ki a au.
- 12
- Na tukua atu ana ratou e ahau ki te maro o o ratou ngakau: a haere ana ratou i runga i ā ratou whakaaro.
- 13
- Aue, tē whakarongo taku iwi ki a au! tē haere a Iharaira i oku ara!
- 14
- Penei e kore e aha kua whati i a au te tara o o ratou hoa riri: kua tahuri atu ano toku ringa ki o ratou hoa riri.
- 15
- Te hunga e kino ana ki a Ihowa kua ngohengohe ki a ia: ko to ratou taima ia kua mau tonu.
- 16
- Kua whangainga hoki ratou e ia ki te witi pai rawa, kua whakamakonatia ano koe e ahau ki te honi i roto i te kohatu.
Address: 
Phone: 
Email: