- 1
- Katahi ka huihui mai a Iharaira katoa ki a Rawiri ki Heperona, a ka mea, Tenei matou, he wheua nou, he kikokiko nou.
- 2
- A, i mua ake nei, i te mea ko Haora te kingi, ko koe te kai kawe atu, te kai kawe mai, i a Iharaira: kua korerotia ano hoki koe e Ihowa e tou Atua, Ko koe hei hepara mo toku iwi mo Iharaira, ko koe ano hoki he tino tangata, mo toku iwi mo Iharaira.
- 3
- Na, ka haere mai nga kaumatua katoa o Iharaira ki te kingi ki Heperona, a ka whakaritea he kawenata e Rawiri ki a ratou ki Heperona ki te aroaro o Ihowa: a, whakawahia ana e ratou a Rawiri hei kingi mo Iharaira, hei whakaritenga mo ta Ihowa kupu i whakapuakina e Hamuera.
- 4
- Na, ka haere atu a Rawiri ratou ko Iharaira katoa ki Hiruharama, ara, ki Iepuhu, i reira ano hoki nga Iepuhi, nga tangata whenua.
- 5
- Na, ko te meatanga mai a nga tangata o Iepuhu ki a Rawiri, E kore koe e tae mai ki konei. Heoi kua riro i a Rawiri te pourewa i Hiona, ko te pa ia o Rawiri.
- 6
- I mea hoki a Rawiri, Te tangata mana te patu tuatahi ki nga Iepuhi, hei tino tangata ia, hei rangatira. Na, ko Ioapa tama a Teruia kua tae wawe atu, a ko ia te tino tangata.
- 7
- Na, ka noho a Rawiri ki te pourewa; a ka karangatia a reira, Ko te pa a Rawiri.
- 8
- I hangā ano hoki e ia te pa, a tawhio noa; o Miro mai ano, a taka noa. Na Ioapa ano hoki i hanga tera atu wahi o te pa.
- 9
- Na, ka tino nui haere a Rawiri, i a ia hoki a Ihowa te Atua o nga mano.
- 10
- Ko nga tino tangata ano hoki enei a Rawiri, i kaha rawa nei mo tona rangatiratanga, he hoa nona, no Iharaira katoa ano hoki, ki te whakakingi i a ia, hei whakaritenga ma ta Ihowa kupu mo Iharaira.
- 11
- Ko te tokomahatanga ano tenei o nga tangata marohirohi a Rawiri, Ko Iahopeama Hakamoni te tino o nga rangatira. I ara ake tana tao ki nga rau e toru; patua iho e ia i te whakaekenga kotahi.
- 12
- I muri i a ia ko Ereatara tama a Roro Ahohi; ko ia tetahi o nga marohirohi tokotoru.
- 13
- I a Rawiri ia i Paha-Ramime. Kua huihuia ano hoki nga Pirihitini ki reira ki te whawhai; na, i reira ano tetahi wahi whenua e kapi ana i te parei. Heoi rere ana te iwi i te aroaro o nga Pirihitini.
- 14
- Heoi tu ana raua i waenganui o taua wahi. Na, ka mau i a raua, patua iho e raua nga Pirihitini: na, nui atu te whakaoranga, i whakaora ai a Ihowa.
- 15
- Na, ka haere atu etahi rangatira tokotoru, no te toru tekau, ki raro ki te kamaka ki a Rawiri, ki te ana o Aturama: a, i te noho tera te ope a nga Pirihitini i Raorao Repaima.
- 16
- Na, i roto a Rawiri i te pourewa i taua wa; i Pete-rehema ano hoki nga hoia pupuri a nga Pirihitini i taua wa na ano.
- 17
- Na, ka minamina a Rawiri, a ka mea, Aue, me he tangata hei mea wai moku i roto i te puna i Pete-rehema, i tera i te kuwaha!
- 18
- Na, tika ana taua tokotoru na waenganui o te puni o nga Pirihitini, a, utuhia mai ana he wai i te puna o Pete-rehema, i tera i te kuwaha; tangohia mai ana e ratou, mauria ana ki a Rawiri: otiia kihai a Rawiri i pai ki te inu, na, ringitia ana e ia hei mea ki a Ihowa.
- 19
- I mea ia, Aue, kia meatia tenei e ahau, e Ihowa! kia inumia koia e ahau nga toto o enei tangata, me i kotahi nei kua mate? me i kotahi hoki ratou kua mate i te tīkinga atu. Na, kihai ia i pai ki te inu. Ko enei nga mahi a aua toa tokotoru.
- 20
- Na, ko Apihai teina o Ioapa te rangatira o taua tokotoru. I ara ake hoki tana tao ki nga rau e toru. Patua iho e ia; i whai ingoa ano ia i roto i te tokotoru.
- 21
- Nui atu tona kororia i to te tokorua o taua tokotoru; ko to ratou rangatira hoki ia; otiia kihai ia i uru ki te tokotoru tuatahi.
- 22
- Me Penaia ano hoki tama a Iehoiara, he tama na tetahi tangata toa o Kapateere, he nui ana mahi; tokorua nga tangata o Moapa, koia ano kei te raiona, i patua e ia; i haere ano ia ki raro, a, patua ana e ia tetahi raiona i roto i te rua i te wa o te hukarere.
- 23
- Nana hoki tetahi Ihipiana i patu, he tangata nui, e rima nga whatianga te roa: he tao ano hoki kei te ringa o taua Ihipiana koia ano kei te rakau a te kai whatu. Heoi haere ana ia ki raro ki a ia, he tokotoko hoki tana, na, tangohia mai ana e ia te tao i roto i te ringa o te Ihipiana, werohia iho ia ki tana tao ano.
- 24
- Na Penaia tama a Iehoiara enei mahi; i whai ingoa ano hoki ia i roto i nga toa tokotoru.
- 25
- Nona te kororia nui o te toru tekau; otiia kihai i uru ki te tokotoru tuatahi. Na, meinga ana ia e Rawiri hei rangatira mo ona takahoa.
- 26
- Na, nga maia o nga ope, ko Atahere teina a Ioapa: ko Erehanana tama a Roro o Pete-rehema,
- 27
- Ko Hamoto Harori; ko Herete Peroni;
- 28
- Ko Ira tama a Ikehe Tekoi; ko Apietere Anatoti;
- 29
- Ko Hipekai Huhati; ko Irai Ahohi;
- 30
- Ko Maharai Netopati; ko Herere tama a Paana, he Netopati;
- 31
- Ko Itai tama a Ripai, no Kipea, no nga tamariki a Peniamine; ko Penaia Piratoni:
- 32
- Ko Hurai, no nga awaawa o Kaaha; ko Apiere Arapati;
- 33
- Ko Atamawete Paharumi; ko Eriahapa Haaraponi;
- 34
- Ko nga tama a Haheme Kitoni; ko Honatana tama a Hake Harari;
- 35
- Ko Ahiama tama a Hakara Harari; ko Eripara tama a Uru;
- 36
- Ko Hewhere Mekerati; ko Ahia Peroni;
- 37
- Ko Hetero Karameri; ko Naarai tama a Etepai;
- 38
- Ko Hoere teina o Natana; ko Mipihara tama a Hakeri;
- 39
- Ko Tereke Amoni; ko Nahari Peroti, ko te kai mau o nga patu a Ioapa tama a Teruia;
- 40
- Ko Ira Itiri; ko Karepa Itiri;
- 41
- Ko Uria Hiti; ko Tapara tama a Aharai;
- 42
- Ko Arina tama a Hita Reupeni; he rangatira no nga Reupeni, e toru tekau ona hoa;
- 43
- Ko Hanana tama a Maaka; ko Iohapata Mitini;
- 44
- Ko Utia Ahaterati; ko Hama raua ko Teiere, ko nga tama a Hotama Aroeri;
- 45
- Ko Teriaere tama a Himiri, raua ko tona teina ko Toha te Titi;
- 46
- Ko Eriere Mahawi, ratou ko Teripai, ko Tohawia, he tama na Erenaama; ko Itima Moapi ano hoki;
- 47
- Ko Eriere; ko Opere; ko Taahiere Metopai.
Address: 
Phone: 
Email: