- 1
- Na, ka huihuia nga tangata o Eperaima, a ka haere ki te nota, ka mea ki a Iepeta, Na te aha koe i haere ai ki te whawhai ki nga tamariki a Amona, a kihai i karanga ki a matou kia haere tahi tatou? ka tahuna e matou tou whare i runga i a koe ki te ahi.
- 2
- Na, ko te meatanga atu a Iepeta ki a ratou, He nui ta matou whawhai ko toku iwi ki nga tamariki a Amona; a i taku karangatanga atu ki a koutou, kihai koutou i whakaora i a au i roto i o ratou ringa.
- 3
- A, taku kitenga kihai koutou i whakaora, whakamomori atu ana ahau ki te mate, a haere atu ana ki nga tamariki a Amona, na, homai ana ratou e Ihowa ki toku ringa: a na te aha ra koutou i haere mai ai ki a au inaianei whawhai ai?
- 4
- Katahi ka huihuia e Iepeta nga tangata katoa o Kireara, a ka whawhai ki a Eperaima: a patua iho a Eperaima e nga tangata o Kireara, mo ta ratou kianga, He rerenga koutou, e nga Kireari, no Eperaima, i roto i nga Eperaimi, i roto i nga Manahi.
- 5
- Na, ka nohoia atu e nga Kireari nga whitinga atu mo nga Eperaimi i Horano, a, te meatanga mai a nga rerenga o nga Eperaimi, Kia whiti atu ahau, na, ka mea nga tangata o Kireara ki a ia, No Eperaima koe? A tana kianga mai, Kahore;
- 6
- Katahi ratou ka mea ki a ia, Tena, whakahuatia, Hiporete: na, ko tana meatanga, Iporete: kahore hoki i taea e ia te tikanga o te whakahuatanga. Na, hopukia ana ia e ratou, a patua iho ki nga whitinga atu o Horano: A e wha tekau ma rua mano o nga Eperaimi i hinga i taua wa.
- 7
- A e ono nga tau i whakarite whakawa ai a Iepeta mo Iharaira. Na, ka mate a Iepeta Kireari a tanumia ana ki tetahi o nga pa o Kireara.
- 8
- A i muri i a ia na Ipitana i whakarite te whakawa mo Iharaira; no Pete-rehema ia.
- 9
- A e toru tekau ana tama, e toru tekau hoki ana tamahine; ko enei i tonoa e ia ki waho, e toru tekau ano hoki nga tamahine i tangohia mai e ia i waho ma ana tama. A e whitu nga tau i whakarite whakawa ai ia mo Iharaira.
- 10
- Na, ka mate a Ipitana, a ka tanumia ki Pete-rehema.
- 11
- A i muri i a ia na Erono Hepuruni i whakarite whakawa mo Iharaira; a kotahi tekau nga tau i whakarite whakawa ai ia mo Iharaira.
- 12
- Na, ka mate a Erono Hepuruni, a tanumia ana ki Atarona ki te whenua o Hepuruna.
- 13
- A, muri iho i a ia, na Aparono tama a Hirere o Piratono i whakarite whakawa mo Iharaira.
- 14
- A e wha tekau ana tama, e toru tekau hoki nga mokopuna; e whitu tekau nga kuao kaihe hei eke ma ratou: a e waru nga tau i whakarite whakawa ai ia mo Iharaira.
- 15
- Na, ka mate a Aparono tama a Hirere o Piratono, a ka tanumia ki Piratono ki te whenua o Eperaima ki te maunga o nga Amareki.
Address: 
Phone: 
Email: