- 1
- Ko nga haerenga enei o nga tamariki a Iharaira i puta mai nei i te whenua o Ihipa, tenei ropu tenei ropu o ratou i raro i nga ringa o Mohi raua ko Arona.
- 2
- I tuhituhia hoki e Mohi o ratou haerenga atu, tenei whakatikanga atu tenei whakatikanga atu o ratou, he mea ki mai na Ihowa: a ko o ratou whakatikanga atu enei, tenei haerenga tenei haerenga o ratou.
- 3
- I turia mai e ratou i Ramehehe i te marama tuatahi, i te tahi tekau ma rima o nga ra o te marama tuatahi; no te aonga ake o te kapenga i puta mai ai nga tamariki a Iharaira, me te ringaringa hoki i runga tonu, i te tirohanga a nga Ihipiana katoa.
- 4
- I tanumia na hoki e nga Ihipiana a ratou matamua katoa, i patua nei e Ihowa i roto i a ratou: a whakaputaina ana e Ihowa nga whakawakanga ki o ratou atua.
- 5
- Na, turia mai ana e nga tamariki a Iharaira i Ramehehe, a noho ana i Hukota.
- 6
- A turia mai ana e ratou i Hukota, a noho ana i Etama, i te pito o te koraha.
- 7
- A turia mai ana e ratou i Etama, a tahuri ana whaka-Pihahirota ki te ritenga atu o Paarahepona: a noho ana i te ritenga atu o Mikitoro.
- 8
- Na, ka turia mai e ratou i te ritenga atu o Pihahirota, a tika ana na waenganui o te moana ki te koraha, a haere ana, e toru nga ra ki te ara, i te koraha o Etama, a noho ana i Mara.
- 9
- Na, ka turia mai e ratou i Mara, a haere mai ana ki Erimi: a kotahi tekau ma rua nga puna wai i Erimi, e whitu tekau hoki nga nikau; a noho ana ratou i reira.
- 10
- Na, ka turia mai e ratou i Erimi, a noho ana i te taha o te Moana Whero.
- 11
- A i turia mai e ratou i te Moana Whero, a noho ana i te koraha o Hini.
- 12
- I turia mai hoki e ratou i te koraha o Hini, a noho ana i Ropoka.
- 13
- I turia mai i Ropoka, a noho ana i Aruhu.
- 14
- I turia mai i Aruhu, a noho ana i Repirimi, i te wahi kahore nei he wai hei inu ma te iwi.
- 15
- I turia mai i Repirimi, a noho ana i te koraha o Hinai.
- 16
- I turia mai i te koraha o Hinai, a noho ana i Kipiroto-hataawa.
- 17
- I turia mai i Kipiroto-hataawa, a noho ana i Hateroto.
- 18
- I turia mai i Hateroto, a noho ana i Ritima.
- 19
- I turia mai i Ritima, a noho ana i Rimono-parehe.
- 20
- I turia mai i Rimono-parehe, a noho ana i Ripina.
- 21
- I turia mai i Ripina, a noho ana i Ritaha.
- 22
- I turia mai i Ritaha, a noho ana i Keherataha.
- 23
- I turia mai i Keherataha, a noho ana i Maunga Hapere.
- 24
- I turia mai i Maunga Hapere, a noho ana i Harataha.
- 25
- I turia mai i Harataha, a noho ana i Makaheroto.
- 26
- I turia mai i Makaheroto, a noho ana i Tahata.
- 27
- I turia mai i Tahata, a noho ana i Taraha.
- 28
- I turia mai i Taraha, a noho ana i Mitika.
- 29
- I turia mai i Mitika, a noho ana i Hahamona.
- 30
- I turia mai i Hahamona, a noho ana i Moheroto.
- 31
- I turia mai i Moheroto, a noho ana i Pene-iakana.
- 32
- I turia mai i Pene-iakana, a noho ana i Horo-hakirikara.
- 33
- I turia mai i Horo-hakirikara, a noho ana i Iotopata.
- 34
- I turia mai i Iotopata, a noho ana i Eperona.
- 35
- I turia mai i Eperona, a noho ana i Ehiono-kapere.
- 36
- I turia mai i Ehiono-kapere a noho ana i te koraha o Tini, ara o Karehe,
- 37
- I turia mai i Karehe, a noho ana i Maunga Horo, i te pito o te whenua o Eroma.
- 38
- A i kake ake a Arona tohunga ki Maunga Horo, he mea ki mai na Ihowa, a mate iho ki reira, i te wha tekau o nga tau o te putanga mai o nga tamariki a Iharaira i te whenua o Ihipa, i te tuatahi o te rima o nga marama.
- 39
- A kotahi rau e rua tekau ma toru nga tau o Arona i tona matenga ki Maunga Horo.
- 40
- A i rongo a kingi Arara te Kanaani, i noho nei i te whenua o Kanaana, i te taha ki te tonga, ki te taenga mai o nga tamariki a Iharaira.
- 41
- A i turia e ratou i Maunga Horo, a noho ana i Taramona.
- 42
- I turia hoki e ratou i Taramona, a noho ana i Punono.
- 43
- I turia i Punono, a noho ana i Opoto.
- 44
- I turia mai i Opoto, a noho ana i Ite-aparimi, i nga rohe o Moapa.
- 45
- I turia mai i Iimi, a noho ana i Ripono-kara.
- 46
- I turia mai i Ripono-kara, a noho ana i Aramono-ripirataima.
- 47
- I turia mai i Aramono-ripirataima, a noho ana i nga maunga o Aparimi, i te ritenga atu o Nepo.
- 48
- I turia mai i nga maunga o Aparimi, a noho ana i nga mania o Moapa, i te wahi o Horano e tata ana ki Heriko.
- 49
- Na, ka noho ratou ki te taha o Horano ki Pete-ietimoto, tae noa ki Apere-hitimi, ki nga mania o Moapa.
- 50
- A i korero ano a Ihowa ki a Mohi i nga mania o Moapa, i te wahi o Horano e tata ana ki Heriko, i mea,
- 51
- Korero atu ki nga tamariki a Iharaira, mea atu ki a ratou, E whiti koutou i Horano ki te whenua o Kanaana;
- 52
- Na, me pei e koutou nga tangata whenua katoa i to koutou aroaro, me whakamoti hoki a ratou ahua e karakiatia ana, me whakamoti katoa ano hoki a ratou whakapakoko whakarewa, ka whakakahore ano hoki i a ratou wahi teitei katoa:
- 53
- A ka tangohia te whenua e koutou, ka nohoia hoki: kua hoatu nei hoki e ahau te whenua kia nohoia e koutou.
- 54
- Me rota ta koutou tuwhanga i te whenua hei kāinga mo o koutou hapu: he nui, kia nui tona wahi, he iti, kia iti tona wahi: hei te wahi i tika ai tana rota, te wahi mo tenei mo tena; kia rite ki nga iwi o o koutou mātua te tuwhanga o o koutou wahi.
- 55
- No tenei, ki te kahore e peia e koutou nga tangata whenua i to koutou aroaro; na, hei koikoi i roto i o koutou kanohi nga mea o ratou e whakatoea e koutou, hei tumatakuru ano hoki i o koutou kaokao, a ka whakatoi ratou i a koutou ki te whenua e noho ai koutou.
- 56
- A ka meatia ano hoki e ahau ki a koutou taku i mea ai kia meatia ki a ratou.
Address: 
Phone: 
Email: