- 1
- Te waiata o nga waiata, ta Horomona.
- 2
- Kia kihitia ahau e ia, hei nga kihi ano o tona mangai: pai atu hoki tou aroha i te waina.
- 3
- He kakara no ou hinu papai, (tou ingoa, ano he hinu kua oti te riringi,) na reira i aroha ai nga wahina ki a koe.
- 4
- Kumea ahau, ka rere atu matou, ka whai i a koe: kua oti ahau te kawe e te kingi ki ona ruma: ka koa matou, ka hari ki a koe. Engari tou aroha i te waina hei maharatanga atu ma matou: ka aroha te hunga tika ki a koe.
- 5
- He mangu ahau, otiia he ataahua ano, e nga tamahine o Hiruharama, rite tonu ano ki nga teneti o Kerara, ki nga kakahu tauarai o Horomona.
- 6
- Kaua e titiro mai ki a au no to mea he mangu ahau, no te mea i titiro mai te ra ki a au. I riri ki a au nga tamariki a toku whaea, meinga ana ahau e ratou hei kai tiaki mo nga mara waina. Taku mara, taku ake, kihai i tiakina e ahau.
- 7
- Whakaaturia mai ki a au, e ta toku wairua e aroha atu ai, ko hea koe whangai ai, ko hea koe mea ai i to kahui kia takoto i te poutumarotanga; he aha hoki te rawa e peka atu ai ahau ki nga kahui a o hoa?
- 8
- Ki te kore koe e mohio, e te ataahua rawa o nga wahine, haere atu i runga i nga takahanga o nga hipi, ka whangai i o kuao koati i te taha o nga nohoanga o nga hepara.
- 9
- Ki taku, rite tonu koe, e taku e aroha nei, ki nga hoiho o nga hariata o Parao.
- 10
- Ataahua tonu ou paparinga i nga rarangi peara, tou kaki i nga mekameka koura.
- 11
- Ka hangā e matou etahi tupare koura mou, he mea titi ki te hiriwa.
- 12
- I te kingi ano i tona tepu, ka puta te kakara o toku nara.
- 13
- Hei paihere maira ki a au taku e aroha nei, i te po roa ka takoto ia i waenganui i oku u.
- 14
- He tautau kamapia naku taku e aroha nei, i nga mara waina o Enekeri.
- 15
- Nana, ataahua tonu koe, e taku e aroha nei; nana, ataahua tonu koe; no nga kukupa ou kanohi.
- 16
- Nana, ataahua tonu koe, e taku e aroha nei, ahuareka tonu; matomato tonu ano hoki to taua moenga.
- 17
- He hita nga kurupae o to taua whare, he kauri nga heke.
Address: 
Phone: 
Email: